【Juicy叮】任精算丈夫5年內失業3年妻嘆：行衰運仲未完

港聞

更新時間：19:02 2021-03-14
發佈時間：17:20 2021-03-14

疫情下經濟低迷，想轉行也不容易。資料圖片

經濟低迷下不同階層市民失業已經成常事，網民在網上討論區「親子王國」發文，指丈夫5年內3次失業，前後3年無工開，期間完全靠積蓄度日，慨嘆是「行衰運仲未完」。

女網民慨嘆，丈夫2016年初開始失業, 好不容易用了2年3個月先成功找到工作。以為終於重見光明，豈料上班4個月又要離職。隔了10個月先找到新工作，「做咗未夠兩年而家要裁員，而家又開始失業。真係行咗幾年衰運仲未完」。

網民解釋，丈夫任職精算師，「都係專業人士但行頭太窄，揾過精算同金融都好難揾，佢又唔肯做低級職位」。她透露，「市道好做得好嗰陣人工當然好。以前精算都排列喺 top pay 嘅行業，仲諗住第時等個仔大個叫佢考慮入呢行，而家見到我老公咁真係唔好入，行頭太窄」。

網民慨嘆，丈夫可能以往運程太好，「讀書成績又好，廿幾歲有老婆有屋有仔，樣樣都暢順，所以到三十尾就開始衰」。

疫情下經濟低迷，想轉行也不容易。資料圖片

有網民認為發文者丈夫應該能屈能伸，先去做低層工種，「馬死落地行都要㗎啦，佢本身係咁專業嘅行業，一時放唔低自尊心啫，好好咁同佢傾下，又要供樓養小朋友，咩都要做住先㗎啦，遲啲好景返騎牛搵馬先，就搵返自己嗰個行頭、靠積蓄過活真係好危險」、「男士普遍死要面，唔衰得。尤其做開高級的，點肯輕易做低級職位」

但亦有人指出即使願意轉行也不容易，「有時候，亦唔一定你肯放下身段就代表人地會請你。因為太專業而且人工高，普通的工，人哋也知你不會做得長，都是騎牛搵馬，自然就唔會請。」、「我係普通公司嘅老細都唔會請，老實講你一定做唔長，市好返你願意再屈就嗎，除非係決心轉行不再回頭，或者想做慈善要貢獻社會，如果唔係我都同意學下嘢，等疫情過後再搵」

帖文轉載自《5年失業3次，至少 3年無工開》