【Juicy叮】未來奶奶逼去美食節掃貨港女抱怨「浪費時間」

港聞

更新時間：17:55 2021-04-01
發佈時間：17:39 2021-04-01

資料圖片

春日美食節將於明日開幕，相信屆時會有不少市民入場搶購平價食品。有女網民則於網上大呻，指男友的母親表明要與她一同入場掃貨，事主對此感到煩厭，認為「無意義」。

事主前日（30日）於「香港討論區」發文，指男友的母親要求她一同到美食節搶購食品，「講到明要搶一蚊鮑一蚊龍蝦啊」，事主直言「煩到嘔」。

事主認為不應刻意去搶購一些平價食品，「你車錢腳骨力加同人迫呢啲額外成本都喺返晒度啦，可唔可以唔好咁鍾意貪埋晒啲小便宜？落樓下個街市明明大把新鮮鮑新鮮龍蝦」，批評男友母親浪費她的時間，又指「點解啲上左年紀嘅女人咁鍾意貪埋晒啲小便宜？」。

帖文引起網民的討論，有網民認為難得一次，應該遷就老人家，「順便幫吓佢老人家囉，又唔係日日都要咁做」。

資料來源：香港討論區