網民被朋友邀請作客,對方表明飯後需要凑錢,令網民覺得小家。示意圖片
網民被朋友邀請作客,對方表明飯後需要凑錢,令網民覺得小家。示意圖片

人情還人情,數目要分明,這句説話一向説者無心、聽者有意。網民在網上討論區「親子王國」發文,指有朋友邀請上門作客火鍋,卻表明需要事後凑錢,網民直言覺得好「肉酸」。

發文者說,有朋友邀請她同其他朋友去對方新界郊區的住所打邊爐聚餐,之後主人家係在手機程式WhatsApp上講明買完食品、飲品之後需要再凑回錢,發文者直言,「講到出口有啲肉酸,如果我主動邀請人,我唔會要人夾,自己唔好意思。如果我係被邀請上去嘅,我不會老奉覺得你請,我會之後主動講話夾。 」

發文者透露,「佢(主人家)話會買哂所有嘢,我估應該都會買過量,因佢份人都計較。」她又抱怨,「因為太熟悉佢份人,我成日請人食飯,有來有往雙向先做到朋友。我去旅行會買手信送畀佢,但佢去的話就空手而回。又成日聽佢話男友點儲信用卡,久而久知都覺得佢哋...其實今次要去到新界勁偏地方參觀佢家,真係唔想去」。

發文者左右為難,如果拒絕出席聚餐主人家就會覺得不賞面,只好無奈赴會。她昨日再補充,前日再三問戶主有否物資需要幫手買,主人家話準備好。「今日臨到前先係咁話漏左乜未買,我地拿拿臨去買,而家幾攰」

有網民認為事先講清楚上門作客要凑錢是合理,但也有人認為做法寒酸計較。示意圖片
有網民認為事先講清楚上門作客要凑錢是合理,但也有人認為做法寒酸計較。示意圖片

有一批網民留言認為,「完全唔覺得有問題,食嘢夾錢係最正常不過嘅事 。事先講明仲好,大家都預左要夾,唔洗食完拍拍patpat就走。」、「事前講清楚幾好, 你可以選擇去定唔去」、「人地叫你上去gathering,同講明請你食飯有分別,而家你上去人地屋企就expect 人哋畀哂錢,唔俾就話人小家肉酸,我覺得你小家啲」、「朋友們每次去我屋企都有夾錢,我覺得因為大家想搵個地方食飯又唔限時交枱,所以來我屋企咋,我真係唔係諗住請大家食飯」。

不過另外一批網民則認為,「我做唔出咁小家。可能佢好手緊」、「我都未試過,我定對方畀錢都未試過會去夾返,如果要夾不如唔好請人上去,出去食飯AA咪仲好」、「我認為請得人哋去自己屋企玩就唔好話要夾錢。講真,朋友如果識做點都會買啲嘢上去或者主動話買啲咩上去」。

也有人認為要視乎食材價值、視乎交情,「如食貴嘢如海鮮龍蝦長腳蟹貴紅酒等等,講明ok嘅,唔係個個咁識做自動自覺夾錢架嘛。如果煮家常便飯都講出口就」、「其實咁介意夾唔夾錢呢個問題,大家都應該係酒肉朋友,如果真心朋友,我真係唔介意請人食飯,或者上人屋企要夾錢,成日要計較,自己過更自在吧?」

帖文轉載自《如果朋友邀請你去佢屋企,講到明要夾錢》

有網民認為事先講清楚上門作客要凑錢是合理,但也有人認為做法寒酸計較。示意圖片
有網民認為事先講清楚上門作客要凑錢是合理,但也有人認為做法寒酸計較。示意圖片