合和主席胡應湘早前撰文指林鄭沒有聽意見。資料圖片
合和主席胡應湘早前撰文指林鄭沒有聽意見。資料圖片

85歲的合和實業主席胡應湘向來以敢言見稱,早前在報章撰文,指特首沒有聽意見。

早兩天特首約商界人士見面,講解完善政制問題。林鄭一見胡應湘出席,就主動同佢講,話「Sir哥頓,當年我做發展局局長時,你就提意見說在灣仔起行人天橋,我都聽咗你意見嘞,做咩嘢話我唔聽意見?」

Sir哥頓即時回應,說當年政府最後的確批准起行人天橋,但行人天橋上蓋就要計入地積比率,但附近項目根本已興建完成,那有多餘地積比率可騰出起行人天橋上蓋呢? 結果唯有補地價給政府。

Sir哥頓言下之意,是「特首你雖然說你聽意見,但最後都係我出錢埋單。」據地產界人士說,合和應該就天橋上蓋補了2000萬元地價,才搞掂那條行人天橋。

Sir哥頓年老敢言,真係見到特首都無面俾了。