疫情下大專生求職困難。資料圖片
疫情下大專生求職困難。資料圖片

疫情下人浮於事,有家長在網上討論區「親子王國」發文,慨嘆兒子自去年大專畢業後一直失業,感覺十分心酸。

這位媽媽指,兒子去年高級文憑畢業後,至今已經一年多找不到工作,起初以為兒子要求高所以無業,傾談之後發現現在真的很難找工作,「依幾年佢成日覺得自己好差,冇哂自信心,見佢咁我都好心酸」



有網民留言,直言「經濟唔好,真係好少請無經驗的後生仔」、「無法,經濟差係原因,前年黑暴影響僱主對呢幾年畢業青年印象亦係事實,會捱過的」、「不過樓主唔好氣餒呢兩年畢業唔好話係high dip就算大學生都唔容易搵工,好多公司聽到呢兩年畢業都耍手擰頭,我識幾個做HR嘅都話,唔會請呢兩年畢業嘅人,而家除非做護理醫學就有機會一畢業有嘢做,所以我都見呢兩年好似多咗人讀護理,而家護理收分好似高咗好多,樓主或者叫阿仔諗諗政府工」

疫情下經濟持續低迷。資料圖片
疫情下經濟持續低迷。資料圖片

有人亦分享海外回來都一樣是無業青年,「我朋友個仔,係英國畢業返嚟,一樣搵唔到工,仲要依家拍緊拖,所以我朋友都仲要畀零用錢佢用,但佢仔真係掛住拍拖,無乜點搵工。」

有人建議馬死落地行,「依幾年搵唔到嘢做, 重要係 fresh grad, 顧主都會明白係職位少咗, 不如做下兼職先, 最少有收入搣下」、「乜都做住先,攞多啲經驗,我識個做收銀讀經濟嘅大學生,做了半年,之後做會所接待員」、「我覺得咩學歷都難搵工,與其有條件咁搵不如大範圍咁搵乜都做住先,至少有工作經驗,等社會環境好啲,都有嘢同人爭下先」

也有人建議再進修,「high dip只係比中學畢業高少少學歷,好多大學degree畢業都難搵工,反正呢兩年就業市場麻麻地,會唔會讀多兩年top up degree?放低咗書包耐嘅話想讀返書就更難。」

帖文轉載自《見到仔大學畢業後一直失業,好心酸》

有網民指反修例示威導致公司不願意聘請激進畢業生。資料圖片
有網民指反修例示威導致公司不願意聘請激進畢業生。資料圖片

有網民指反修例示威導致公司不願意聘請激進畢業生。資料圖片
有網民指反修例示威導致公司不願意聘請激進畢業生。資料圖片