【Juicy叮】寧獨處放鬆拒與同事用膳 網民:自己一個食飯有咩問題

港聞
更新時間:20:45 2021-04-14
發佈時間:21:00 2021-04-14
不少網民稱習慣獨自食午飯。unsplash示意圖片
不少網民稱習慣獨自食午飯。unsplash示意圖片
有上班族在「香港討論區」發文,稱不喜歡與上司同事外出用膳,寧願獨自享受午飯時間,反問「返工自己一個食飯有咩問題?」

網民指,同事一到午飯時間就「好似放監咁成班圍威餵出去食飯,佢地成日叫我Join 俾面派對,我都會間唔中Join下」,但網民其實好享受自己一個人食飯。

他質疑, 返工對住同一班同事、上司、老細,可以說是日日見,間中周末可能要加班又要見,平日OT又見,見得多過兩老。他認為,「食飯時間個個零兩個鐘,幾大都自己享受下自己嘅時光,靜靜地睇自己想睇嘅片,打自己想打嘅機,食自己想食嘅嘢」。

他自稱,初出職場時都好喜歡同同事出去食飯,但慢慢開始厭惡,「食又食唔到自己想食嘢、出親去就講三姑六婆八婆嘢、講是非,再唔係就可能Deadair冇嘢講,為乜。」

不少網民大為認同,「食飯係me time,自己一個人有咩問題」、「我大半生都係做行街,從來都係自已一個係街食,都唔知幾自由自在」、「以前讀書時代就幾個同學一齊食飯開開心心,可能大家年齡一樣講嘅嘢都差唔多,依家返工就淨係想一個人食飯」、「其實我都係鍾意獨來獨往,以前返工放飯時間會買返公司食。食完瞓返半個鐘都好」

不過有人說,「細公司就無問題,因為大家食飯唔一樣,反而去大公司做嘢,如果一個人食飯,感覺好怪,同埋有啲老闆會覺得你唔合群,可能會過唔到試用期」

帖文轉載自《返工自己一個食飯有咩問題?》
網民指不喜歡與同事外出用膳交際應酬,寧願獨處享受私人時間。示意圖片
網民指不喜歡與同事外出用膳交際應酬,寧願獨處享受私人時間。示意圖片