【Juicy叮】收養僅1成視力流浪貓 善心網民:成7.5公斤重醫生叫減肥
更新時間:22:12 2021-04-14
發佈時間:21:59 2021-04-14
發佈時間:21:59 2021-04-14
網民Faye Lam在「天下貓貓一樣貓群組」上載照片,見到一隻腹部腫脹、眼發青光的黑白色肥貓,原來牠是義工從荃灣石籬邨附近山坡,捕獲與媽媽、姊妹生活的流浪貓。近日貓媽媽疑似懷有身孕,流浪貓一家又遭到老翁投擲石頭虐待,每晚提供糧水的老婦又年事已高行動不便,所以義工希望尋找有心人照顧牠。
網民得悉後,在義工手上接收過這隻流浪貓「肥仔」,並帶到獸醫診所檢查後,指「醫生話佢個肚冇事,入面無水瘤 ,冇腫瘤,淨係得一堆脂肪。原來只係因為佢太肥,真係好好彩。驗過貓愛滋同埋病毒嗰啲,全部都無事,淨係好多蚤,噴咗嘢,好快會好返,問題不大」。
不過網民透露,「(牠)對眼就基本完全睇唔到嘢,得返一成視力可以感光,繼續係野外生存都唔知可以生存到幾耐,所以呢個可能都係佢咁大個仔仲要癡住媽媽嘅原因。同埋可能睇唔到嘢,所以少郁動,搞到咁肥」網民又稱,實在太肥,足足有成7.5公斤重,連「醫生叫我要幫佢減肥」
網民指,可能因為被人襲擊過,「肥仔」對人好有戒心,會伸手抓,完全不能觸摸,連喂飼水食物都要好小心。網民仍然相信,時間久了就會慢慢知道我唔會傷害佢,會慢慢容許接觸牠。網民又稱,本身不知道「肥仔」患有眼疾,所以在網上買了個3層貓籠給比牠,估計牠應該跳不到上上層,日後會再幫配置爬架方便牠上落。
不少網民知道事件後,感謝新主人對貓隻不離不棄,祝福「好人有好報」。
帖文轉載自「天下貓貓一樣貓群組」
最Hit
樂富新開茶餐廳鋸扒中伏 港男怒數9宗罪:成份餐不知所謂 賣相嚇退大批網民
2024-04-22 19:23
「TVB惡人」現身山姆超市撞樣陳冠希?患癌體重急跌44磅 染回黑髮狀態好
2024-04-22 18:32