早產嬰信信血氧低轉返NICU 或需再挨刀母感心痛

港聞
更新時間:19:32 2021-04-15
發佈時間:19:00 2021-04-15
醫生指,有可能需要做手術先處理橫膈膜。救救小心 - 肝FB圖片
醫生指,有可能需要做手術先處理橫膈膜。救救小心 - 肝FB圖片
因肝臟纖維化要換肝續命的早產嬰信信,早前獲善心叔叔捐肝並成功移植,手術後一直努力回復健康。惟最近信信日前落奶時突然濁親,血氧量下跌,需要轉返NICU(新生兒深切治療部)作密切觀察,或需要做手術處理。信信媽媽亦心痛表示不忍兒子再受「捱刀之苦」。

信信父母於「救救小心 – 肝」Facebook專頁分享,昨日(14日)早上收到來自醫院的致電,表示信信落奶時突然濁親,血氧低至60幾(%),要將信信轉去NICU(新生兒深切治療部)觀察。

信信媽媽聽到腦海一片空白,不知應如何是好,立即趕到醫院探望信信。等至下午3點多見醫生時,醫生交代信信的情況,濁親不能甩氣喉與橫膈膜有關,因發現他橫膈膜升高了,解釋「有可能係手術果時搞過晒佢既內臟,所以入面既器官都要時間適應同恢復」,「但係而家可能係個橫膈膜自己落唔返去,對佢個肺有壓力,令到個肺漲得唔好」,因此才需要持續駁氣喉。

醫生續指,有可能需要做手術先處理橫膈膜,才可以再處理口食的問題,並向信信媽媽建議,「會唔會考慮下幫佢開個胃造口」。惟仍需要未來兩日要觀察才決定,目前嘗試用「豬鼻」開純氧去改善肺部問題。

媽媽亦心痛表示不忍兒子要做任何手術再受「捱刀之苦」,坦言信信的情況令他們都感到擔憂,「你乖乖地用兩日豬鼻就甩左條氣,唔好再嚇媽媽爸爸⋯媽媽心臟小,心血都好小承受唔住大打擊。」,「你乖乖豬快啲甩到條氣轉到房,媽媽爸爸就可以再日日探你,你乖乖聽姑娘話聽醫生話」。

資料來源:救救小心 - 肝