港媽指丈夫與一名20多歲女子外遇2年,還每日僞裝好男人。示意圖片
港媽指丈夫與一名20多歲女子外遇2年,還每日僞裝好男人。示意圖片

一名港媽在網上發文,結婚17年的丈夫,雖然過去3年沒有床事,但每日相處僞裝成好好先生,準時回家又上繳薪水,結果最近意外揭發,原來2年前已經與另一名20多歲女子有外遇,令她大受打擊。

港媽在網上討論區「親子王國」發文,「有一日早上我老公收到電話,電話裡面個女人好大聲、好嗲咁話佢今日放假,我老公好快cut 線,但我己feel到咩事,即時問佢,初初佢唔認,但我一直好激動,佢就話佢係傾吓電話」。

港媽十分沮喪,稱「我之前仲一路怪自己係咪我有問題,點解三年無同我有性生活,由陀BB 開始無床事,依家終於知道真相,但最恐怖係我老公一直係好老公好爸爸,每日出門前會鍚我一啖,每日差不多十點零就回家,放假就family day,又會主動湊仔,換片開奶,煮飯,同BB 冲涼,過時過節必定陪我,出糧成份糧畀哂我」

港媽透露,丈夫與第三者經交友程式認識,住得不近但同區上班。有時候丈夫早收工,就用這些時間去行街食飯、上對方住所尋歡。港媽又補充,後來檢查手機記錄原来丈夫已經有外遇兩年多,亦不只是傾電話,而是男女朋友關係,甚至亦有性關係。「我老公每日打好多次電話畀佢傾電話,仲傾好耐,但同我每日都係得收工一個電話,話我知佢收工跟住就收線」。

港媽指丈夫與一名20多歲女子外遇2年,還每日僞裝好男人。示意圖片
港媽指丈夫與一名20多歲女子外遇2年,還每日僞裝好男人。示意圖片

港媽說,當時很生氣要離婚,但丈夫不停道歉,聲稱不會再找第三者,希望不要離婚。事發三星期後,港媽仍然每日以淚洗臉,「個心好痛,我唔知點面對,如我選擇原諒,我又未接受到,我依家日日腦海都成日出現佢同另一個女人一齊拖手行街性交呢畫面,我無信心,佢啲大話太勁,可以瞞住我咁耐」

她又指,丈夫表面一切如常,只是轉換電話號碼,以及開啟定位讓事主檢查去向,「佢真係好恐怖,佢真係無內疚感架,呢三星期佢同以前一樣無分別,一様好顧家,但就多咗報告行蹤,每去一個點都話我知,又影相畀我睇」


有網民奉勸,「所謂原諒其實係一時接受唔到頭家會散,但心入面嘅不安係可以好折磨,只要老公聽少次電話覆遲信息,已經令受過傷嘅老婆亂諗一通」,「警覺性高就唔會三年無性行為都唔覺得有問題,佢而家表面可能係斬纜,不過都要經濟上攞多少少,好過遲啲人又冇,錢都冇,有機會個女人爆大鑊迫佢揀」

有過來人說,「我老公同都係family man,但係啲女人可以爛泥咁黐上去,首先要知道了解自身婚姻中有冇問題,坦誠相告,畀機會大家慢慢解決,希望你老公能夠重新更愛你, 比定心丸你。時間一定能沖淡一切,只要你也還愛你老公,向前望 ,還有比17年更長的路要走。雖然我仍在療傷中 但已經比之前好很多,加油」

帖文轉載自《應唔應該原諒佢》