【Juicy叮】港女將入住公屋姑奶勸勿再用名牌手袋：人哋當A貨

港聞

更新時間：12:17 2021-04-18
發佈時間：10:52 2021-04-18

住公屋就會被人看不起？有女網民表示，早前購入幾個名牌手袋，近日即將搬進新的公屋單位，卻被姑奶提醒她住公屋用名牌袋的話，「人哋一定當你A貨」，令她怒火中燒，表示「今年內都唔想再見到佢！」

有女網民在網上討論區「親子王國」發文，指近日被老闆娘「荼毒」下，購入幾個Hermès名牌手袋，姑奶每次看見都會「望下再讚兩句」。怎料近日樓主到奶奶家吃晚飯時，姑奶卻異常興奮，不斷追問樓主及其丈夫「間公屋裝修成點、幾時搬」等。

姑奶的煩人表現逐漸令樓主感到煩躁，就在此時，姑奶突然爆出一句：「遲啲搬咗就要收埋晒啲靚袋喇！住公屋用H袋，人哋一定當你用緊A貨！」，一秒激嬲樓主，「佢都真係痴痴地，平時經常講野扮cute+勁誇勁大反應已經好反感，不過你（姑奶）唔攪著我就冇問題。而家無啦啦發癲，今年內都唔想再見到佢！」

帖文引起網民討論，不少人都對樓主姑奶的話感到不解，更認為對方只是因妒忌而刻意挑釁，「點解住公屋唔用得H袋」、「自己買唔起就以為全世界人都買唔起」、「我覺得佢（姑奶）係葡萄你咋喎」。

不過亦有人質疑樓主，既然買得起幾個名牌手袋就不應住公屋，「你買得起（名牌手袋）就唔好住公屋啦！係咪呃緊政府資源？」，而樓主就反駁指「度度都有窮人，有有錢人啦，住山頂代表有錢咩？可能揹住幾層2按／3按樓呢？邊個知」。但網民似乎不太滿意樓主的解釋，繼續追擊，「一個住公屋嘅女房主可以持續買頂級名牌袋，一定有問題啦」、「其實唔係住公屋唔好用H袋，應該話用H袋就唔好住公屋啦」。

資料來源：「親子王國」