女友自結識大學同學後就不斷買名牌,碌爆卡後便再用父母的信月卡購物。unsplash圖片(示意圖)
女友自結識大學同學後就不斷買名牌,碌爆卡後便再用父母的信月卡購物。unsplash圖片(示意圖)


新冠肺炎疫情下,不少人都開始了網購的習慣,不過亦有人變成了「網上購物狂」!有港男指,女友自結識大學同學後就不斷買名牌,每月更欠下兩萬元之信用卡數,碌爆卡後甚至再用父母的信月卡購物。他形容女友已屬「病態」,二人關係因而產生矛盾、陷入冷戰。

有男網民在網上討論區「Dcard」上,以「女朋友大洗(使)到痴線」為題發文,指女友以往偶爾會網購,但一向都有節制,不過最近自「上莊」(成為大學組織內閣成員)、結識了新同學後,便開始瘋狂購買名牌,每月至少買兩次,每次花費2,000至3,000元。他懷疑女友已經購物狂的行為已進入「病態階段」,更透露女友「每個月都差人2萬幾蚊卡數」,而且「佢碌完自己張卡,再碌爹哋媽咪張卡」。



雖然樓主曾詢問女友為何「越嚟越大使」,但就反遭對方斥責他是「窮X」,批評他「少少錢都唔肯使,咪我自己買囉」。此言論令樓主大感不滿,指二人每次外出睇戲食飯均由他出錢,「講到我好似從來無送過嘢畀佢咁」。事件令他們的關係跌入冰點,樓主表示「佢會話近排無錢找卡數,所以請唔到我食飯,但佢每個月都係咁碌落去,真係唔使旨意有錢」、「而家同佢冷戰緊,我就覺得自己冇錯㗎喇,但我又覺得佢唔會主動搵返我,女人真係煩」。

帖文引起網民熱議,不少人都認為樓主女友貪慕虛榮,與樓主的價值觀相距甚遠,長遠關係難以維持,建議他盡快分手,「佢有呢個金錢觀念,睇怕段關係都唔會長遠」、「除非你都係好有錢,如果唔係我睇唔到你哋有未來」、「而家(樓主女友)明顯係虛榮到冇錢都要買名牌,咁嘅價值觀都好難一起繼續行落去喎」。

不過,亦有網民認為樓主應該好好與女友溝通,以免她繼續沉淪,「你女朋友仲要唔知自己有問題,呢個先係最大問題。我諗佢都係受身邊同學影響,好好地搵個地方認真傾下」。

資料來源:「Dcard」