【Juicy叮】女友媽媽要求88萬禮金港男無奈：都冇話要娶佢個女

港聞

更新時間：21:32 2021-04-19
發佈時間：17:37 2021-04-19

每次與另一半家長講起結婚結婚問題都令人非常煩惱。一名網民今日表示，昨晚與女友母親吃飯，提及結婚一事時，伯母提出希望收到88萬元禮金，又要網民的物業加上女兒的姓名，令他非常無奈，直指「如果將來有呢啲外母就真係慘」。

該名網民於香港討論區上以「女朋友媽媽要求88萬禮金……」為題出帖，表示昨晚與女朋友媽媽吃飯，期間講起結婚的話題，「佢成日有意無意話自己以前好多深圳廠長呀經理呀追佢，又話動不動就十幾萬咁比佢洗」。

然後女朋友的媽媽再提到「唔想個女辛苦」，著網民將現時正供款的物業加上女朋友的名字，但網民與女朋友早前有討論過，女朋友希望是一齊供款才加上名字。

女朋友聽到後已經拉住母親，著她不要說，但女朋友媽媽沒有理會，續指「禮金最緊要好意頭，最好88萬就好啦」。網民無奈表示，「88萬？嫁女定賣女？最緊要我都冇話要娶佢個女，提都冇提過...」

網民續指，「見到我女朋友勁尷尬，我又勁唔耐煩，但係佢老母又繼續講，又繼續吹噓後生點點點...如果將來有呢啲外母就真係慘...」

帖子引起網民熱議，有人打趣提議「給88萬越南盾」、「88萬韓元」。亦有人大斥樓主女朋友的媽媽貪心「叫佢老母食屎啦！這樣貪心」。
資料來源：香港討論區