港女難忍男友母親控制。《BB來了》截圖
港女難忍男友母親控制。《BB來了》截圖

婆媳關係自古以來都是人生難題,尤其是同住一簷下,紛爭、衝突更是無可避免。近日就有女網民於討論區上吐苦水指,最近無奈於男友家中暫住,惟其母親當她為免費工人,又不停催促他們打新冠疫苗,甚至「差啲攞埋佢手機過嚟想幫我哋預約」。女網民難以忍受男友母親的「控制」決定搬走,最後更大呻指,「我屋企人都唔會咁對我」。

女網民於Dcard討論區上發文指,與男友交往約半年,因家中有突發事情,無奈暫居於男友家中幾個月。她指男友母親思想比較守舊,如「媳婦一定要事事都照顧佢個仔,以佢個仔和家庭行先,將來有小朋友就最好全職留喺屋企做家頭細務,湊小朋友等等」,甚至對於樓主照顧得男友不夠周全而有微言,因此樓主不時會與男友有摩擦。

男友自幼身體欠佳,兩人無打算接種疫苗。惟男友母親得悉兒子最近生病後,多次催促兩人盡早打疫苗,甚至「開埋個網教我哋點預約」。本身樓主也打算敷衍了事,惟男友母親竟偷看她手機,確認是否預約接種,又從旁不停催促,「點解唔打針啊,差啲攞埋佢手機過嚟想幫我哋預約」,最後樓主以公司未出更表作藉口,才令事件暫時擱置。

雖然男友母親對她有微言,但樓主不在他們家居住時,她又會不時傳短訊問,「點解唔番去瞓,喺咪唔中意佢」,又會係咁講「你唔好嬲喎,叫你做嘢係當你自己人,當你客人就唔會比嘢你做啦」,樓主卻認為男友母親只是當她作免費工人,幫助他們家中做家務,因此漸漸難以忍受男友母親的控制。在得知終於可以搬回與家人住後,樓主立即搬離,直言「唔想再畀人喺咁管呢樣管嗰樣,我屋企人都唔會咁對我,同埋我唔想再俾佢問我打咗針未,問我點解唔上去瞓」。

帖文引起不少網民熱論,有網民同情樓主,勸樓主應要三思與男友的關係,「如果你真係想同佢行落去,咁就要睇你男朋友揀邊個,要阿媽定女朋友」, 更有人指樓主日後將面臨婆媳問題,「你同佢阿媽就會難相處,結婚之後好大機會有婆媳問題」,「你預你結咗婚之後幾廿年都要過呢啲婆媳糾紛生活」,「如果唔會分手的話,一係拍一世拖,一係婚後出去二人世界。隔住個Mon都聞到浸工人味,自古以嚟婆媳關係呢係無解㗎」。

資料來源:Dcard