【Juicy叮】3歲仔被親戚惡意整蠱留陰影港媽自責唔識教仔

港聞

更新時間：16:00 2021-05-06
發佈時間：15:54 2021-05-06

親戚的幾句說話，可能會被小朋友記一世！有港媽指，有次一家四口出席夫家的家庭聚會，惟其3歲兒子多次被親戚整蠱，更出言指責他「愚蠢」。雖然港媽事後有不斷安慰兒子，但他之後每逢要見親戚就很抗拒，甚至情緒爆發，令她非常心痛，自責「唔識教仔」。

該名港媽在社交媒體Facebook專頁「我的極品四大長老」投稿，憶述幾年前一家四口出席夫家的家庭聚會，當天她與丈夫要照顧他們較小的孩子，所以暫時讓3歲的大仔跟親戚玩耍。起初他們都玩得融洽，怎料港媽卻突然聽到兒子發脾氣的聲音，原來是親戚整蠱他，「所有嘢都話個小朋友唔啱話佢錯」。當時港媽即時拉開兒子，並告訴他「乖，你無錯。佢哋唔識我哋可以話返畀佢哋聽，爸爸媽媽知道你係啱嘅。」

當時一度成功安撫兒子，他也自己拿玩具玩耍，但親戚這時竟再次捉弄並指責兒子：「你做乜咁蠢㗎，唔應該跟遊戲規則㗎，跟遊戲規則玩你就會輸，咁你咪好蠢囉！」港媽表示，兒子雖然明知道親戚們是不對的，但又不懂得反駁，變得很不開心；夫婦二人馬上帶走兒子，事後亦用了很多時間安撫，但兒子堅決指以後也不想見到親戚。

事後每逢過年過節，兒子都因抗拒見親戚而變得不願意出門，即使怎麼勸他都沒有用，港媽一家亦愈來愈少出席家庭聚會。不過，親戚們卻開始「問長問短」，不少長輩都有意見及怨言，矛頭直指向港媽。更誇張的是，有次親戚竟直接到她們家樓下，要求見面。港爸希望威逼利誘下讓兒子出門，但兒子竟大爆發，歇斯底里地大喊大叫，更追着爸爸打，情緒崩潰得無法停下來。

港媽對此表示「個心真係好痛」，認為雖然男家矛頭指向她，但見到自己小朋友如此，亦實在不忍心。她更指，雖然事隔多年，但兒子始終有陰影，疫情期間連視像電話亦拒接。港媽甚至會自我質疑：「有時我都會問自己，係咪我邊度做得唔夠好，係咪我用錯咗方法，係咪真係我唔識教？」

不少網民看完帖文後，都紛紛安慰港媽，「我好想稱讚原Po嘅媽媽，換著係我，我可能無咁大勇氣去堅持唔見嗰班人」、「我覺得妳係一個好好嘅媽媽，我細個成日俾親戚蝦…不過我父母一次都冇保護過我，覺得親戚上頭，唔可以話人，諗返起覺得好傷心」。

另外亦有網民建議港媽應好好與兒子傾談，否則日後心結更難解開，「小朋友依家都大個咗啲，可以同佢傾下」、「媽媽可以搵個輕鬆下午同佢出去公園玩一陣再去食下午茶，媽媽要用平靜輕鬆氣氛同佢傾吓，問佢係咪好驚嗰班人，具體啲講下自己感受」。

資料來源：「我的極品四大長老」FB