港男稱女友列禮物清單,要求他送禮物給她的媽媽。資料圖片
港男稱女友列禮物清單,要求他送禮物給她的媽媽。資料圖片

臨近母親節,相信不少人都購買禮物給母親,而有些人更會送禮物給未來外母或奶奶。一名男網民早前大呻,指女友列出一張禮物清單,要求他從中挑選一件家電贈送給未來外母。男事主大感不忿,直言「我自己媽媽都未敢咁過份,佢憑乜?」。

事主周二(4日)於香港討論區以「女朋友整咗個 LIST,叫我母親節揀一樣送俾佢媽媽」為題發文,指母親節當日將要到女朋友家中吃飯,而女友事前將一張禮物清單傳送給事主觀看,事主起初沒有理會,但女友竟不斷追問他有沒有觀看清單。



原來女友是希望事主從清單中挑選一件禮物給她的母親,「我睇一睇,都係一啲家庭小電器,例如風筒、吸塵器、氣炸鍋之類」,女友強調指「仲話啲嘢都唔難買,是但去一間電器舖都有,不過要買返佢指定嗰啲,唔好買同類但唔同牌子嘅嘢,因為佢媽媽唔鍾意」。

事主聽後大感不滿,直言做法過份,又堅決表明不會送禮物,「我自己媽媽都未敢咁過份,佢憑乜?如果佢媽媽要買就自己嚟同我講呀嘛!」。

帖文引起網民熱議,不少網民都認同事主的做法,「佢老母要買就自己嚟同你講」、「當你提款機?」,亦有網民認為母親節買禮物送給未來外母不算過份。

資料來源:香港討論區

港男直斥做法「痴線」,明言不會送禮物。資料圖片
港男直斥做法「痴線」,明言不會送禮物。資料圖片