【濾水廠命案】前保安自辯:剎那間精神錯亂淨係識不停揮刀

港聞
更新時間:13:40 2021-05-11
發佈時間:13:15 2021-05-11
案發後警方檢走染血柴刀。資料圖片
案發後警方檢走染血柴刀。資料圖片
61歲前沙田濾水廠保安員,3年前涉不滿剛入職5天的同事工作時手忙腳亂,玩間尺及用錯紅筆,某日忽然拳打同事3次,再從儲物櫃中取出菜刀向同事頭頂及頸椎狂斬致死。被告否認一項謀殺罪,今在高等法院自辯時稱,自己犯案時「進入短時間精神錯亂」,「根本無咩感覺」,「個剎那淨係識不停揮刀」。他被控方質疑是否虛構自己案發當時有精神錯亂,他則回應說:「我估㗎咋都係」。

被告章美德被控於2018年8月5日在徑口路沙田濾水廠保安亭內,謀殺59歲死者吳崇禧。控方問章是否同意死者的傷勢由他造成,章說:「同唔同意都係我責任架啦,事實嚟架嘛」。控方指章被捕曾形容他揮刀時「可能打中頭殼頂,聽到啲好硬嘅聲」,章今辯稱:「點聽到啫,憑感覺嘅啫」,又指自己當時「精神不佳咪亂噏廿四囉」。章表示自己「一早已經認罪啦,我去自首,我無逃避,係我最大嘅誠意,我願意接受法律懲罰」。

當控方提及死者傷勢,並問章曾否看到死者試圖自衛時,章回答指:「人都死咗,仲講咩傷勢啫」,「我乜都見唔到,我淨係知我係度斬刀,我係不停咁襲擊㗎啫,點知斬到邊度」。章指他斬人前瘋狂大叫「斬X死佢」,比喻自己的行為類似一些「痴線佬」大叫「 真主偉大」後引爆炸彈自殺,故希望有精神科醫生能解釋狂呼後殺人是什麼行為。

法庭記者:劉曉曦
仵工將遺體舁送殮房。資料圖片
仵工將遺體舁送殮房。資料圖片