【Juicy叮】想加人工竟遭老細斥「憑咩」打工仔喊住食飯懷疑自己

港聞

更新時間：11:51 2021-05-14
發佈時間：18:42 2021-05-13

疫情下經濟不景，莫講話要加人工，連找工作都有難度。一名打工仔近日於網上大呻，指自己有日要求老細加人工，但遭到拒絕，令他懷疑自己本身就是一個問題，更於一個人在海邊淋雨食飯時忍不住流淚。

該名打工仔於Facebook專頁「奴工處」上投稿，他指自己在澳洲的大學畢業近一年，做過3間公司，頭兩間都因疫情結業而被迫轉工。

他其後找到現在的工作，人工只有1.1萬，6日工作，但因為申請了近百份工作仍沒有回音，打算先做現在的工作，有機會再另謀高就。

開始工作後，該名打工仔經常加班到晚上11時，3個月後他指老細好像幾滿意自己的表現，於是提出加人工到12500元，怎料老細聽到後質問「你憑咩要我加你人工」，當時他聽到後只回應了一句就回座位。

但因為老細這句說話，令他開始懷疑自己是否工作有問題、還是工作態度有問題。

到日前食午飯時，「我去咗海邊一個人淋住細雨咁食飯，食食下喺度喊，喊唔係因為人工低，係我懷疑自己本身就係一個問題。」

不少網民看到後紛紛安慰樓主，指「唔好懷疑自己，要相信自己」、「我覺得唔使就呢啲濕X老闆，辭職做住散工慢慢搵」、「唔好咁諗，搵到就走」、「唔好委屈自己，辭職慢慢搵」。

亦有人認為樓主最初不應入職，「大學畢業，跳咗三間公司，人工都仲萬一，仲要OT，真係得你做。因為呢個post 有你入，所以公司先唔會加人工」。
資料來源：奴工處