開始工作後,該名打工仔經常加班到晚上11時。Unsplash示意圖
開始工作後,該名打工仔經常加班到晚上11時。Unsplash示意圖

疫情下經濟不景,莫講話要加人工,連找工作都有難度。一名打工仔近日於網上大呻,指自己有日要求老細加人工,但遭到拒絕,令他懷疑自己本身就是一個問題,更於一個人在海邊淋雨食飯時忍不住流淚。

該名打工仔於Facebook專頁「奴工處」上投稿,他指自己在澳洲的大學畢業近一年,做過3間公司,頭兩間都因疫情結業而被迫轉工。



他其後找到現在的工作,人工只有1.1萬,6日工作,但因為申請了近百份工作仍沒有回音,打算先做現在的工作,有機會再另謀高就。

開始工作後,該名打工仔經常加班到晚上11時,3個月後他指老細好像幾滿意自己的表現,於是提出加人工到12500元,怎料老細聽到後質問「你憑咩要我加你人工」,當時他聽到後只回應了一句就回座位。

但因為老細這句說話,令他開始懷疑自己是否工作有問題、還是工作態度有問題。

到日前食午飯時,「我去咗海邊一個人淋住細雨咁食飯,食食下喺度喊,喊唔係因為人工低,係我懷疑自己本身就係一個問題。」

不少網民看到後紛紛安慰樓主,指「唔好懷疑自己,要相信自己」、「我覺得唔使就呢啲濕X老闆,辭職做住散工慢慢搵」、「唔好咁諗,搵到就走」、「唔好委屈自己,辭職慢慢搵」。

亦有人認為樓主最初不應入職,「大學畢業,跳咗三間公司,人工都仲萬一,仲要OT,真係得你做。因為呢個post 有你入,所以公司先唔會加人工」。

資料來源:奴工處