【Juicy叮】天水圍448呎2房凶宅售468萬 網民:樓價更恐佈

港聞
更新時間:17:59 2021-05-15
發佈時間:19:27 2021-05-14
有關單位已請師傅到場處理風水、完成打齋。
有關單位已請師傅到場處理風水、完成打齋。
香港樓價高企,不少人為「上車」或會考慮便價買入凶宅,只求有一屋在手。不過,天水圍一個448呎的兩房單位,以$468萬港元放售,引起網民熱議。有網民直指,樓價比「飄飄」更恐佈。

有人在「業主銀主筍盤」Facebook 群組放盤天水圍嘉湖山莊中層一個448呎的2房凶宅單位,列明該單位適合有宗教信仰、陽氣旺盛人士居住。帖子有列明,已請師傅到場處理風水、完成打齋,並用$30萬裝修大翻新。

帖文附上單位內部相片,有網民留言指只看相片已感到不舒服:「 講真,淨睇相,其他位置ok,但洗手間真係最令人不舒服,無論廁所定浴室,都好唔舒服」、「廁所個張睇到已經唔舒服」、「睇相睇到好頭痛」、「打齋裝修都唔係重點,重點係銀行唔按就大鑊過見鬼!」
該單位已用$30萬裝修大翻新。
該單位已用$30萬裝修大翻新。
有網民認為凶宅要價400多萬仍較貴。
有網民認為凶宅要價400多萬仍較貴。
不過,帖文的爭議點更是單位售價,不少網民認為凶宅售468萬過於昂貴:「最恐怖唔係飄飄,而係香港既樓價,就咁睇個價我以為唔係凶宅」、「係香港地無任何野比窮更恐怖!」亦有網民揶揄耗資30萬裝修費似乎無補於事:「打齋用兩萬,油牆用兩萬,淨低26萬一定係用左嚟搵地板啲料,呢款地板絕左版,好難搵,有錢都未必搵到,最緊要係同兇案發生果陣一樣裝修,令到啲污糟野有番歸屬感」。
有網民就關注單位能否做到銀行按揭。
有網民就關注單位能否做到銀行按揭。
有網民認為洗手間感覺不舒服。
有網民認為洗手間感覺不舒服。
資料來源:業主銀主筍盤