【Juicy叮】辭工與丈夫分開 港媽帶兒子北上讀寄宿學校:紀律好重要

港聞
更新時間:16:38 2021-05-16
發佈時間:15:44 2021-05-16
有家長辭職帶同兒子北上大灣區入讀當地學校。網上圖片
有家長辭職帶同兒子北上大灣區入讀當地學校。網上圖片
孟母三遷的故事不少家長都聽過,有家長更付諸實行。一名港媽在網上討論區「親子王國」發文,指為了兒子學習考慮,毅然辭工並帶同兒子北上大灣區,打算入讀寄宿學校。

港媽指,10歲兒子就讀小學五年級「兩年前已打算返內地寄宿,今年唔再拖辭咗工,今日帶咗佢返內地,隔離14+7就去學校考入學試,自己就住到通關先返」。港媽下午2時到深圳灣口岸,要4時才過完關,之後坐車前往隔離酒店接受14日隔離。

港媽形容,「真係為咗個仔辭工,同老公屋企人分開,真心好唔捨得」。她透露,就讀寄宿學校一年的學費及雜費等大約10萬港元。她又指,報讀的民辦學校雖然會用簡體字、普通話授課會稍為吃力,但「佢肯學就好快追得上,中數係難因為數係好勁,英文都差唔多」,不過因為在內地沒有戶籍所以不能參加內地高考,需要考其他試,「佢唔會返香港讀,深圳廣州都有DSE課程讀」

不少網民留言支持,她解釋「2019年尾去參觀過,覺得係而家小朋友須要嘅紀律,所以決定咗要去寄宿,但因為疫情拖咗一年,今年唔再拖了」、呢個時勢我覺得正向教育好重要,所以好堅定要返內地讀」。不過她指日後仍然會留港生活,「搵錢一定香港好,同埋我哋年紀唔係細,通咗關我都會返香港繼續工作,始終個仔係寄宿唔洗我陪住」。
有家長辭職帶同兒子北上大灣區入讀當地學校。網上圖片
有家長辭職帶同兒子北上大灣區入讀當地學校。網上圖片


有網民指,「小五咁細個寄宿,我一定唔捨得,你同囝囝都好勇敢」、「佩服佩服,我仔小三,我都想送佢返內地讀但老公唔肯」、「我都有諗過小朋友返深圳讀書,但而家仲細初小,加上係香港讀happy school,課程仲算淺,怕返去追唔上,而且被寵慣哂,冇抗壓能力,怕讀唔掂。樓主好勇!坐言起行,小五我都唔捨得,仲要寄宿。 不過學獨立又真係好重要!」、「我朋友個仔係香港讀Band3,父母搞佢唔掂,早2年都送咗上廣州讀寄宿。」。


帖文轉載自《終於辭左工帶阿仔返大灣區》