【Juicy叮】港鐵坐低被港媽暗寸weak 扭傷網民不忿「道歉」引熱議

港聞

更新時間：22:56 2021-05-16
發佈時間：16:36 2021-05-16

關愛座在各大交通工具出現後，不時傳出爭議。一名網民今日表示，自己因為扭傷腳，於是在港鐵上找了一個位置，雖然不是坐關愛座，但卻被站在一旁的港媽暗寸，令他非常不忿，並於網上「道歉」。

該名網民於連登討論區上以「有無人識呢一家四口？？麻煩幫我同佢地講聲對唔住」為題出帖，指今日坐東鐵時，見到有空位便坐下。然而，網民坐下後，站在旁的港媽一直單單打打，在她與女兒的對話中暗諷他「唔使坐啦」、「咁weak至要坐」、「後生唔洗坐啦」。

網民事後在網上道歉，表示「我真係好慚愧，好感覺對唔住你地，我咁後生年青係唔應該坐，但昨晚因為跑步唔小心扭傷，先迫住要坐，現在行路都要慢慢下，就住就住」。

他又指，「我睇落咁後生男人，係唔應該坐咗你地個位」，又指康復後「唯有行路唔坐港鐵」。

樓主的反諷式道歉引起網民熱議，有人繼續反諷指「依個故事教訓你，跑步唔好唔小心扭傷」、「受傷就咪出街啦，佢地話得你好啱」。

但亦有人認為發文者當時應該出聲，「下次當面出聲啦，事後單單打打影人上網，毒到」、「又係當時受氣唔敢出聲，要返嚟攬住個鍵盤先夠膽打呢啲反話文嘅垃圾」。
資料來源：連登討論區