網民指自己坐下後,站在旁的港媽一直單單打打。Lihkg 袁崇煥
網民指自己坐下後,站在旁的港媽一直單單打打。Lihkg 袁崇煥

關愛座在各大交通工具出現後,不時傳出爭議。一名網民今日表示,自己因為扭傷腳,於是在港鐵上找了一個位置,雖然不是坐關愛座,但卻被站在一旁的港媽暗寸,令他非常不忿,並於網上「道歉」。

該名網民於連登討論區上以「有無人識呢一家四口?? 麻煩幫我同佢地講聲對唔住」為題出帖,指今日坐東鐵時,見到有空位便坐下。然而,網民坐下後,站在旁的港媽一直單單打打,在她與女兒的對話中暗諷他「唔使坐啦」、「咁weak至要坐」、「後生唔洗坐啦」。



網民事後在網上道歉,表示「我真係好慚愧,好感覺對唔住你地,我咁後生年青係唔應該坐,但昨晚因為跑步唔小心扭傷,先迫住要坐,現在行路都要慢慢下,就住就住」。

他又指,「我睇落咁後生男人,係唔應該坐咗你地個位」,又指康復後「唯有行路唔坐港鐵」。

樓主的反諷式道歉引起網民熱議,有人繼續反諷指「依個故事教訓你,跑步唔好唔小心扭傷」、「受傷就咪出街啦,佢地話得你好啱」。

但亦有人認為發文者當時應該出聲,「下次當面出聲啦,事後單單打打影人上網,毒到」、「又係當時受氣唔敢出聲,要返嚟攬住個鍵盤先夠膽打呢啲反話文嘅垃圾」。

資料來源:連登討論區