【Juicy叮】每日搭的士丈夫拒搬離八鄉村屋獨凑兩女跨區港媽崩潰寧分居

港聞

更新時間：14:38 2021-05-19
發佈時間：19:40 2021-05-16

港媽每日做家務做到凌晨12點才休息。《師奶兵團》示意截圖

有全職媽媽在網上討論區「親子王國」發文抱怨，一家居住在八鄉偏遠的村屋，丈夫每日搭的士上班，但就不顧妻子每日帶住2名女兒大清早迫車頻撲跨區上學，令她心力交瘁，而丈夫都不聞不問，令她決意自行帶女兒租樓搬出市區。

這位忙得焦頭爛額的媽媽發文指，獨自照顧就讀小學一年級的大女及就讀幼稚園K2的幼女，每天帶兩女返學，無家人支援。她透露，大女8時上學，6時15分就要叫2個女兒起床，7時15分前要上車否則遲到，因落巴士後行去學校要10分鐘。「每日迫巴士返學，巴士經常滿座/脫班，有車只有企位，都唔緊要，但成日喺車俾人用唔友善嘅眼光望住，但係我地3個真係無掂到佢哋」。

媽媽接續說，送完大女上學，就要行20分鐘送幼女上幼稚園，由於只上2小時課，「即係我要一直喺條街度等細女放學，細女放學係10點半，仲有兩個幾鐘家姐先放學，呢段時間一直冇得返屋企，而家天氣熱更加唔敢買定啲餸，每日就不停喺條街度虛耗光陰，要阿女陪我喺街唔知做咩」。

她之後要在大女放學前買好外賣，「接佢放學後搭車回家，每日返到已經2點，先至開始食午飯，做功課，我先開始做家務，準備晚飯，沖涼，每晚搞到七點幾先開飯，小朋友食完飯無幾耐已經要上床瞓覺，每日啲家務都要喺親子時間度剝削」。她透露，學校無校車，而保姆車又不接送到她一家居住的鄉村，「一轉的士差不多80，到（大埔林村）許願樹已經跳到40幾」。

她多次向丈夫反映希望搬出市區居住，但丈夫無動於衷，「有幾次更加話佢好享受住村屋，唔想搬」。她抱怨，「每朝早叫佢（丈夫）叫啲小朋友起身，好似攞咗佢條命咁，日日喺度嗌我就嚟遲到啦，跟住自己飛咗出門口，其實佢時間觀念真係好差，但係唔知點解要學人住村屋，仲要唔肯搬」。

有居住村屋港媽每日照顧2名女兒長途跋涉上學心力交瘁。《師奶兵團》示意截圖

媽媽上周忍無可忍跟丈夫表明，「你唔肯搬唔緊要，你繼續喺度住，我同兩個女搬去套房。每日咁樣我真係好辛苦，我細女更加辛苦，返8點半，但6點15分就要起身，每日接完家姐放學搭車返嚟，一上車就瞓着咗，要抱落車」。結果丈夫完全不理2個女兒感受，「佢嘅態度係完全覺得個老婆咁樣付出係理所當然，又話我唔早啲瞓，但係其實我都好想早啲瞓，但係每晚完成啲家務已經係12點幾，第二朝5點45分要起身」。

她於是決定跟2個女兒搬出去市區的套房，「呢段日子我會搭的士出入，我見到細女每日攰到咁，返到黎食飯都無精神，大女好生性幫我拎好多重嘢又孭住書包，好心痛佢哋每日少咗好多時間同佢哋玩」。

不少網民都指責丈夫無責任心、自私自我，「真係唔明，點解會有啲咁衰的老竇同老公，淨睇自己」、「好同情你一打二，仲要有個唔識關心自己嘅老公。估計你們住許願樹再過八鄉那條路嘅村屋，就算讀大埔學校，都勁唔方便，車又疏。你老公仲唔解決住屋問題，婚都有得離。」有人建議，發文者應該為女兒轉校，安排在家附近就讀。也有網民建議發文者用打算租住套房的錢每日搭的士解決。

帖文轉自《抑壓到爆煲，情緒失控》