【Juicy叮】收4000蚊全包家務兼10萬貼女婿買樓網民戥朋友唔抵：連消費券都掠

港聞

更新時間：20:57 2021-05-18
發佈時間：19:34 2021-05-18

有網民發文指，朋友每月收4000元家用，全包女兒夫妻起居生活，兼要動用20萬元補貼女兒及女婿，當中10萬元是作居屋首期。網民為朋友感到不值，批評是「度縮女婿」。

網民指，朋友的獨生女兒最近結婚，男家給禮金，要求女家買金器。女婿每月給4000元給同住的外母全包家務，差不多晚晚煮飯。女婿雖然自己有間公屋在新界區，但一個星期只回家一次，經常上外母處借宿，但要求日日煲靚湯，結果「婚前唔洗成日煮飯，依家成日煮！」。

外母動用了強積金大約20萬元補貼女兒夫婦，女兒開腔索取十幾萬，背後實際是女婿要用10萬做居屋首期，不過層居屋「佢地（女兒夫婦）用綠表抽居屋，外母無份。」網民形容，這位女婿與人合夥開鋪頭，「好識計數」，「個男人係公司拎啲日用品比朋友，無蝕底」。

這位外母「唉唉聲，佢個女幫老公嘅」。連還未到手的消費券也打主意，「佢哋屋企遲啲換電視，要求外母夾$3000（消費券」，但「阿媽想要三星手機，阿女最後買小米，最平果隻型號！」

其他網民形容，「外母直程係養埋個女婿」、「憑咩要求….佢自己父母呢。佢入贅咪畀佢囉」、「個女婿咁厚面皮可以叫外母拎十萬出嚟」、「呢啲野有得要求架咩？4000全包，呀媽都肯，全因心痛自己個女啫...」

帖文轉載自《覺得女婿搵笨嗎？》