【Juicy叮】年輕的士客車上慌張交收毒品 司機心痛:黃賭毒毒害下一代

港聞
更新時間:21:53 2021-05-18
發佈時間:21:50 2021-05-18
有的士司機在facebook專頁Taxi BaBa Hong Kong表示,一名年輕乘客在其車上慌張交收毒品,令司機心痛「黃賭毒毒害下一代」。

的士司機指,上星期接完一個客人去慈雲山,客人未下車, 外面己經有人向他揮手,一名男子上車後以不純正廣東話說要去觀塘某酒店。司機指,男乘客沿途手機不斷有WhatsApp訊息 的提示聲,看似被催促,時常問他位置去到哪裏。

司機晚上駛至觀塘工廠區的酒店外,「人影都唔見多一個。我都唔明, 呢啲地方起間酒店咁古怪」當他說「先生, 多謝68 蚊」時,對方「忽然變得好緊張仲好惡咁同我講: 『等陣先』。説時遲,那時快又有一個男人從酒店行去我部的士。但佢唔係撘我車, 係畀咗一小包嘢我乘客。」

然後乘客就話去黃大仙苳菇亭,司機也只好說「OK」。司機指「大概都知佢哋做緊乜,我只係快快手到站趕佢走為目的」。司機指「我終於明白, 呢個時間果間咁嘅酒店點解會有客。有時,人影都唔多一個都可以係賣點嚟架!」

司機慨嘆「為人父母, 真係好怕孩子行差踏錯, 黃賭毒真係一啲都唔掂得架!我都好心痛我部車被人利用, 我好憎賭害下一代的事,教育制度如是, 黃賭毒如是!唔該,唔好再毒害我的下一代啦!」