【Juicy叮】打工仔面試後拒工廈返工 直指不能接受:好舊好臭好肉酸

港聞
更新時間:16:24 2021-05-19
發佈時間:15:14 2021-05-19
有個舒適的工作環境的確很重要,近日有網民在網上大呻,指早前到了一間位於工業大廈的公司面試,稱自己不能接受在工廈上班,認為環境惡劣,引起熱議。

該名網民於香港討論區以「接受唔到喺工業大廈返工 好舊好臭好肉酸」為題出帖,他表示自己最近到觀塘工業大廈的一間公司面試,批評工廈的環境惡劣,「部𨋢仲要係自己開閘關閘個啲,上到去啲走廊迷宮咁,指示又唔清晰,灰灰暗暗,有陣好霉好臭嘅味」。

他又指,「雖然份工個Office都裝修唔算話好舊,但始終都係好焗束,而且窗口又對住啲樓,感覺真係好差」

他又擔心如果要加班工作,「夜晚去廁所一定唔敢出去,加上呢啲工業大廈就一定好猛鬼好多傳聞,我真係接受唔到喺啲咁舊嘅工業大廈返工」。

他表示,對方曾打電話通知他再面試,但他最後亦拒絕了,他又表示以前做過一份位於甲級寫字樓的工作,「Office落地玻璃對海,廁所乾淨,環境新淨光猛,OT都O得啹啲」。

不少網民認同樓主,指「又真係幾肉酸,我都接受唔到」、「你見到係工業大廈仲去?」

但亦有人認為「好簡單,你有得揀咪唔好做囉」、「去望下你份cv,再望下鏡先」、「無得成日諗以前啦,唯有面對現實」。
資料來源:香港討論區