【Juicy叮】上環沙田工作夫婦「遠」赴天水圍置業朋友質疑「傻」

港聞

更新時間：18:48 2021-05-31
發佈時間：15:41 2021-05-28

網民的朋友認為天水圍空氣比較好生活比較悠閑所以置業。資料圖片

有網民發文指，其一名朋友與妻子分別在上環及沙田上班，但近期在天水圍買入大型屋苑，網民大為不解釋更稱「買新界大西北樓嘅人咩心態」，惹來眾人爭議。

網民在「香港討論區」發文，指朋友最近在天水圍嘉湖山莊買樓，網民質疑朋友在上環上班，太太就在沙田上班「工作同居住嘅地點真係遠都不得之了，就算有車都辛苦啦」

發文者於是問對方為何要買天水圍樓而且樓齡快30年，對方稱是為將來退休「因為天水圍比較寧靜，空氣好啲，Chill 啲（悠閑）」

發文者質疑，「而家我都唔覺特別寧靜更何況你退休都講緊30幾年後嘅事，到時可能已經唔係咁，而家仲要供佢幾十年，真係諗起都覺得傻」

朋友在天水圍置業，網民不解認為路途遙遠。資料圖片

帖文引來眾人爭議，有人覺得天水圍交通可接受，「今時今日香港交通網絡都係一個鐘內去到目的地，唔覺得有咩問題」、「現今香港年青一代能夠擁有自住樓{包括公屋}已是好幸福，地點算不了什麼，能買樓更是努力工作的表現，至於所謂大西北，香港交通已是極好，一程車天水圍到中環還苛求？」、「自西鐵通車,新界西已不能同日而語!西鐵去中環, 比東鐵更方便, 未來屯馬綫通了,去沙田也不是很不方便!」

有人認為朋友買樓與發文者何干，「天水圍仲係低水，人地覺得好住就得啦」、「你咁唔通氣，唔通同你講因為無錢買市區大單位咩？」。

帖文轉載自《買新界大西北樓嘅人咩心態》