【Juicy叮】7旬父欲加內地繼母名入公屋港女感擔心：可以點做

港聞

更新時間：17:08 2021-06-10
發佈時間：15:50 2021-06-10

公屋戶籍問題易引家庭糾紛。近日有網民於討論區發文指，7旬父於7年前再婚，娶了一名內地女子，該名女子帶同與前夫所生的女兒獲批來港，三人同住公屋。最近父親提出在公屋戶籍加上繼母的名字，令網民感失望及擔心，遂向其他網民詢問應如何處理。

該女網民於「連登討論區」訴說指，現年70多歲的父親居於公屋單位，7年前與1名內地女子再婚，該婦帶同與前夫所生的女兒一併來港，住進公屋。自始樓主搬離家中到外面居住，只是「不時返去食飯畀下錢老豆」。樓主指，當時父親表明不會將內地妻子及繼女加入公屋戶籍，惟近日卻突然反口，「尋晚收工打嚟叫我畀入息證明」，最後樓主忍不住跟繼母大吵一場。

樓主坦言，對父親感失望及擔心，但同時理解父親想法，「其實唔係唔合理，佢身邊得呢個女人」。「其實一日個女人仲喺度，我一日都唔會返去」。面對矛盾處境，樓主遂向網民詢問意見，「我可以點做？」。

帖文引起網民熱論，有網民表示勸樓主應堅持不交出任何文件，「你唔交證明佢就唔可以加名，另外佢要你簽名」、「加咗名，佢就會離婚分戶，或逼你老豆走」，亦有網民表示樓主已久未回家居住，反而繼母已照顧7年，即使要加名亦無可厚非，「你又唔喺到住，要加咪加囉，無謂晒精神」、「其實諗真，如果個女人對你老豆唔係差嘅話，你咪當請咗個私家看護幫你照顧老豆嘅晚年。你唔簽即時離婚，照顧老豆嘅責任就交畀你，你老豆又唔開心」。

資料來源：連登討論區