【Juicy叮】父賣樓還債全家長期租樓 港男呻爆入息申請唔到公屋

港聞
更新時間:22:22 2021-06-12
發佈時間:14:02 2021-06-12
本港樓價長期高企,住屋問題困擾不少人。有在學港男表示,父親早前需賣樓還債,因兩老的月薪共約3萬元,超過入息限額而無法申請公屋,竟堅持以每月1.9萬元的租金租住一個3房私樓單位,令樓主不禁大呻「好辛苦……即係侷住我要同佢哋租屋租到死」!

該名港男在網上討論區「連登」上,以「有冇人屋企冇私樓又冇公屋 逼住長租 唔知點算」為題發文,指父親現年58歲,「日頭送貨、夜晚保安」,母親40歲尾,「一星期返6日便利店」,二人月入共約3萬元,但支出多於收入,再加上父親早前將賣樓所得全部用來還債,儲蓄已所剩無幾。

樓主續指,由於父母仍然「年輕」,收入亦超過申請公屋的入息限額,而自己畢業後準備投身社會,根本無可能申請公屋,一家被迫長期租樓住,不禁大呻「租金好貴,屋企搵幾多就拎晒幾多嚟應付租金同日常生活,好辛苦!」

最讓樓主接受不了的是,父母每月堅持以1.9萬元租金,租住一個3房私樓單位,亦不肯「住平啲」。樓主怒指,全家只有3個人的話,租住兩房單位已足夠,又透露「家姐搬出去同男朋友住,我下年住hall(大學宿舍)」,「但都係老人家問題,唔肯丟嘢,明明有啲衫鞋年幾兩年都冇著過,塞爆晒間房。呢間屋住咗幾年,個廳仲有啲未拆嘅紙箱。」

樓主狠批父母「冇咁大個頭仲戴咁大頂帽」,指責母親「貪慕虛榮要住私樓」,又表示希望畢業後可以搬走,但又無法放下父母,因而感到相當矛盾,「自己畢業後搬出嚟同人夾租嘅話,就變成兩老冇錢交租。即係侷住我要同佢哋租屋租到死」。

帖文引來大批網民留言,不少人都同情樓主的經歷,認為其父母不自量力,「住村屋把啦,同佢哋得閒禮拜六日住staycation都唔使19k咁貴」、「冇錢又要住咁好,自己攞嚟,Grad(畢業)咗就搬出去住,到時佢哋覺得冇必要就租返2房㗎啦」、「我就grad,同你一樣處境,不過再慘啲,老豆以前係公屋換居屋再換私樓,所以而家就算佢60歲都上唔返公屋,侷住租成世樓,我又冇兄弟姊妹,搵得嗰10幾k人工,都唔知點算」。

資料來源:「連登」