【Juicy叮】九龍面試被派到大西北總部上班 打工仔崩潰:成個過程都無提

港聞
更新時間:21:08 2021-06-12
發佈時間:20:40 2021-06-12
跨區上班未必每個打工仔都能接受。有網民於討論區訴說指,因其住所位於九龍區,在同區公司見工時,認為上班的路程較方便。未料收到獲聘通知後,發現上班地點竟在大西北(屯門、天水圍與元朗一帶地方)地區,令該網民感愕然。

該網民於「香港討論區」發文指,自己於九龍區居住,早前到同區公司見工,由於由家中到公司路程僅約40分鐘,因此在收到獲聘消息,「都幾開心」,未料當他收到該公司的通知郵件後,發現上班地點並非在九龍區,「個地址喺大西北?」。

樓主立即致電查詢,惟對方表示公司共有兩個地方,後勤部門在九龍區,總公司則位於新界,樓主亦頓感愕然,「我上網睇份工地址喺九龍,我見工又喺九龍,但係最後返工就去大西北?」、「成個面試過程都喺九龍,佢又無提到,我又唔會諗到佢出呢啲蠱惑」。

樓主坦言,若受聘每日便須花逾1小時上班,車費亦大幅增加一倍,令他大感無奈,不知應如何是好,遂向網民詢問意見,「係唔係要硬食大西北返工?」。

帖文引起網民熱論,有網民籲樓主如不願意接受,應立即拒絕,「唔啱唔好入職,乘車時間太長又貴,寧願唔做」、「如果真係太遠唔可以咪唔好接受,好多公司都係咁,總部一個地方,唔同區又有唔同辦公室等等」,有人則表示,應視乎薪金及工作內容而定,「如果份工係好嘅,遠啲都要」。亦有網民籲樓主應「做住先」,「好多人失業,你唔做,極速畀其他人做咗,到時想做都無得做」。

資料來源:香港討論區