有港女指被大自己30多年的男上司熱烈追求,感到非常困擾。unsplash圖片(示意圖)
有港女指被大自己30多年的男上司熱烈追求,感到非常困擾。unsplash圖片(示意圖)

被上司追求,究竟是否好事?有港女表示,早前被大自己30多年的男上司追求,初頭會錯意以為只是單純的「師徒關係」,後來對方竟非常「進擊」,不斷傳訊息及邀約她吃飯,令她感到非常困擾!

該名24歲的港女日前向社交媒體Facebook專頁「奴工處」投稿,指比她年長30多年的男上司,在半年前開始追求她,事源某次對方邀約食飯,樓主以為「佢教我咁多嘢,好似師傅同徒弟」,故爽快答應。怎料上司其後不斷約食飯,即使樓主多次拒絕,對方仍瘋狂傳訊息,令她極大壓力,「返工仲要日日對住,除咗辭職仲可以點算?就算辭職我都驚佢會繼續搵我」。



帖文引起網民熱烈討論,不少人都紛紛提供創意建議,希望助樓主擺脫上司,「同佢請產假」、「call uber扮有男朋友接放工」、「放工準時走,話要買餸返屋企煮飯畀個仔仔食」、「拎張男仔相出嚟同佢講(係自己)變性前,問佢介唔介意」、「借錢係最好嘅方法,日日借不停借,借到佢怕」。

不過有網民就認為樓主這個並非煩惱,甚至可能是好事,「現在搵工唔易,上司冧你都係好事,至少做錯嘢有人幫,加人工一定有你,炒人就一定無你」、「佢50幾歲人個人都好浪漫喎!」,亦有人笑言可能是誤會一場,指上司可能只是想「同後生仔傾下偈」。

資料來源:「奴工處」FB