【Juicy叮】送素糭惹怒患「三高」老爺新抱感委屈：一番心意當垃圾

港聞

更新時間：18:52 2021-06-13
發佈時間：17:37 2021-06-13

端午節將至，不少人都會食糭應節，惟亦須留意自己身體狀況。近日有女網民於討論區訴說指，因老爺本來很愛吃糭，但近年有「三高」（高血壓、高血糖和高血脂）問題，該網民與丈夫商量後，決定送素糭代替傳統糉。未料老爺收到素糭後，竟大發雷霆，甚至即時將素糭丟掉，令她感委屈，「一番心意被人當垃圾」！

該網民於「香港討論區」訴說指，因其家中老爺喜歡吃食高膽固醇食物，「愈肥愈中意，特別係五花腩，成日食」，端午節時更喜歡吃很多糭應節。惟近年老爺健康亮紅燈，出現三高問題，飲食也要非常注意，「醫生都開到聲要戒口」，因此今年不能再放縱他吃高膽固醇食物。

考慮到老爺的健康狀況，樓主與丈夫商量後，決定送上較健康的素糭，「無肉無鹹蛋黃，諗住健康少少」，對其身體亦不會造成太大負擔。未料，老爺收到後，竟大發雷霆，「佢話我『點做人新抱』，話我『唔識買嘢，食糭點可以冇五花腩同鹹蛋黃，呢啲仲叫糭咩？』」，隨即將素糭扔進垃圾桶。樓主坦言，「我嬲到想喊，為咗佢健康著想先買素糉俾佢食，點知一番心意被人當垃圾！」，「就算唔想食都唔使扔咗佢，人哋送嘢畀你，你當住人哋面咁樣做好咩？」。

樓主續指，丈夫亦未料父親反應竟如此激動，並指「之前有帶過佢去食素，明明佢都唔抗拒。」，令樓主既感委屈又無奈，「男人心有時都好海底針」，「我決定以後咩都唔送，反正送咩都係錯，送好食嘅又對佢唔好，送健康嘅佢又發脾氣，唔送最好，我慳返啲錢！」

帖文引起網民熱論，有網民認同樓主的老爺反應過大甚至不尊重，「真係好浪費，仲要係人地心意嚟，呢個老爺真係唔識尊重人」、「我覺得買健康啲嘅食物係為佢身體好，你無做錯呀，以後乜禮物都唔好買」、「你好有心想佢好，佢唔拎情仲發脾氣都幾難頂！你做就做咗，日後少理佢為妙」。亦有網民表示，樓主應事前問清楚老爺的意見，避免惹誤會，「你應該先講解後上菜，叫佢試一下先」、「應該同時買傳統糭同素糭，等佢知道你知道佢鍾意食糉，但你亦都關心佢嘅健康」。

資料來源：香港討論區