資料圖片/示意網圖
資料圖片/示意網圖

成功上樓並有自己的安樂窩,相信亦是不少人的心願。有30多歲的港男近日在網上發文指,自己多年來一直與父母同住,近日終於成功「上車」,但指父母以舊屋需裝修為由,提出到其新家暫住,令他大感煩惱。

樓主日前在連登討論區,以「新屋就嚟入伙,老豆老母堅持要搬過嚟暫住」為題發文,指自己與父母同住一個200呎的1房單位,一直沒有私人空間,並過著「零私隱嘅生活」。樓主續指,近日終於靠個人積蓄成功「上車」,並計劃自己獨自居住400呎的新單位,但指父母突然以舊屋需裝修為由,提出到其新家暫住,「唔知住幾耐」。樓主隨後「表達咗少少唔情願」,但父親已面色大變,母親則斥責他不懂感恩。樓主不禁在帖文中大呻,「我只係想有返30幾年嚟都冇嘅少少私人空間,點解咁都要情緒勒索?」他又指,現時的家中氣氛「好僵」,並指「一直同屋企人關係唔差,唔想搞到咁僵」。他亦指,曾提議請父母到酒店暫住,但對方堅持到其新居。



相關帖文隨即引起網民熱議,有人認為樓主應拒絕父母的要求,並直言「你俾得鎖匙就收唔返」、「應承咗就玩完」、「千祈唔好畀鎖匙佢哋啊,易送難請啊」、「佢地會賣咗舊屋,搬嚟住」、「話唔定佢哋一暫住就住成世」等。另有網民認為,即使樓主不願令雙方的關係變差,亦沒有選擇權,「佢地唔尊重你意願=佢地將個關係搞到僵」等。

帖文來源:連登討論區