網民稱租住新屋半年後丈夫失業兼有財政糾紛,懷疑是風水差連累。示意圖片,非涉事單位
網民稱租住新屋半年後丈夫失業兼有財政糾紛,懷疑是風水差連累。示意圖片,非涉事單位

正所謂「風水命理非精密科學僅供參考」,信與不信則視乎人的心態。有網民發文指,自從租住荃灣西站一個新樓單位半年後,丈夫失業兼捲入錢財糾紛,還指前住客都先後財困,覺得是新居風水有問題,於是匆忙找地方搬。

網上討論區「親子王國」網民透露,「我租荃灣西呢度風水麻麻,上兩手租戶係外籍人士,一個破產,一個係機師失業」。發文者上一次睇樓見到新婚夫婦,丈夫是外國人機師失業。之後入住後再接獲前住客的破產信,相信是另一個租客。



發文者慨嘆,「我哋住落都運滯,老公噚日俾人即時炒,又有工程財務糾紛」。網民一家於是與業主協商,不另收費提早解約,預計7月搬出。發文者認為,「有啲嘢唔到我唔信!環境好新樓都無用」,「好唔開心,滿心歡喜住,估唔到搞成咁。依家搵啲1萬頭嘅屋苑住,之前仲專登買新傢俬」

網民稱租住新屋半年後丈夫失業兼有財政糾紛,懷疑是風水差連累。示意圖片,非涉事單位
網民稱租住新屋半年後丈夫失業兼有財政糾紛,懷疑是風水差連累。示意圖片,非涉事單位

有網民就說,「人有人運,屋有屋運,有時係唔夾就唔夾,唔到你信定唔信」、「間屋唔夾你唔代表唔夾第二個,所以點解要睇風水。簡單講八字都有夾唔夾啦」。

有網民分享「以前有朋友唔信邪,買咗墳景單位,全家運滯,諸事不順,有時唔到你唔信。我係業主會清咗單位先租俾人,點會被下一個租客知道上一個租客運滯   咁趕客。我會同租客講,對上兩個租到在樓上買咗個大單位,對上一個平步青雲,步步高昇。有時所謂風水,有時都係心理作用, 撒個小謊, 無傷大雅。 」


帖文轉載自《家居風水》

網民稱租住新屋半年後丈夫失業兼有財政糾紛,懷疑是風水差連累。示意圖片,非涉事單位
網民稱租住新屋半年後丈夫失業兼有財政糾紛,懷疑是風水差連累。示意圖片,非涉事單位