【Juicy叮】夫婦月入3.4萬連外家資助夠畀首期港男掙扎排公屋定買私樓

港聞

更新時間：14:54 2021-07-17
發佈時間：14:28 2021-07-17

住屋問題一直困擾不少港人。有港男表示，與21歲的妻子同住，兩人月入共3.4萬元；近日獲外家資助，連同儲蓄共200萬元可作首期。樓主兩夫婦有生育計畫，因此他正考慮應買私樓，抑或妻子辭職、全職湊仔，再一家三口排公屋。

該港男在網上討論區「連登」上，以「【家庭難題】公屋定買樓好？」為題發文，指自己月入兩萬元，妻子則月入1.4萬元，兩人現時與樓主的家人同住一個唐樓單位。兩人現時有200萬元儲蓄，正考慮買私樓，抑或妻子辭職後排公屋，「儲咗幾年錢加外家資助（主要）加埋有200萬到，近日老婆話想計劃生小朋友，我有睇到公屋討論區話家庭隊等8年上新樓，好心動。」

樓主表示，若買私樓，經計算後應可負擔約500萬元的樓價，但他又知道自己與妻子的人工不高，擔心難以同時供樓及養育小朋友，「兩個人先搵得3萬幾，扣埋供嘅話，老婆又話要小朋友，之後壓力會好大。」他認為居屋最適合他們的狀況，但兩次抽居屋都失望而回。

樓主兩夫婦因此考慮輪候公屋，若排到的話新舊亦可，「住邊度又殘又舊冇所謂，因為平租」，但另一方面妻子便需辭職，並要盡快懷孕生子，且未知一家三口要排多少年，「要排住公屋，先要條件就係生仔加老婆辭職，而唔爆入息限額。」樓主同時明白，若要作出此決定，未來將更難買樓。

帖文引起網民討論，有人鼓勵樓主夫婦努力置業「上車」，但要選擇價格較低的細單位，又或是已補地價的居屋，「買私樓長遠對小朋友嚟講好」、「有二百萬首期大把選擇啦」。不過亦有人認為樓主兩夫婦仍然年輕，應按兵不動，努力工作儲錢，待經濟條件有改善再實行生育大計，「搬出去要度度要錢，搵得三萬幾，月供無咗一半，差餉地租水電煤，食，搭車，買日用品根本就無錢淨」、「你兩個乜都未識，唔好亂咁嚟，咁五年後先諗買樓。唔好以為自己出去住好簡單，何況你仲諗住生仔，搬咗出去，到時自己都搞唔掂，邊個有錢有時間湊仔。」

資料來源：「連登」