網民發現深水埗美食廣場內,多隻曱甴枱上亂爬。連登討論區圖片
網民發現深水埗美食廣場內,多隻曱甴枱上亂爬。連登討論區圖片

出外用餐時,店舖衛生環境相當重要。有網民於討論區發文指,於深水埗一間商場內的美食廣場用餐時,竟發現其飯枱上有多隻曱甴亂爬,連附近的飯枱亦有相同的情況,更指「近溜冰場嗰邊無一張係無曱甴」!

該網民於「連登討論區」發文指,於深水埗一間商場內的美食廣場用餐時,竟發現飯枱上有多隻曱甴亂爬,並指,「好多人食到一半先發現,彈起身搬位」、「但食多幾啖發現又有。近溜冰場嗰邊無一張係無曱甴」,此經驗亦嚇怕樓主,更直言,「以後唔使去」。



帖文引起網民的熱論,網民紛紛表示身同感受,分享在該商場用餐的經歷,「之前去食嘢都見到有隻喺隔離枱,拿拿臨食埋起身走人,出面都咁多舖,入面唔敢想像」、「日頭周圍都好多,細心啲周圍望就見到,嚇到即走」、「見過好多次,所以唔敢再幫襯」。

有網民表示已見怪不怪,「其實逢親呢啲美食廣場都係好污糟,太多位俾啲小強、老鼠舒舒服服咁匿埋」、「小強就一定有,係多定少,同埋嘢食處理得好唔好,最基本唔俾佢爬上啲食物,如無必要,唔會去food court食嘢」。

資料來源:連登討論區

附近的飯枱亦有發現曱甴。連登討論區圖片
附近的飯枱亦有發現曱甴。連登討論區圖片