【Juicy叮】好友套料後見同份工獲聘求職者不甘：比失戀仲難受

港聞

更新時間：15:07 2021-07-28
發佈時間：15:00 2021-07-28

有人認為是網民技不如人才落選。資料圖片

有正在求職的網民在facebook專頁「奴工處」指，好友打探消息後，應徵同一份工作，而且還獲聘，網民對朋友過橋抽板心有不甘。

發文者說，最初不知朋友與發文者應徵同一份工作，發文者先行面試，面試完之後朋友就不斷問見工的流程以及會問些甚麽問題，例如有幾多個面試官之類。朋友又問發文者的預期薪酬多少，發文者以為對方是好朋友所以實話實説。

結果「之後佢（朋友）先話佢都見，人哋叫佢interview，咁佢interview表現實好過我，而家人哋請咗佢無請我」，發文者形容「感覺比失戀仲難受，被最好嘅Friend利用咗，依家呢件事上我可以做啲咩？send信去告發佢？」

網民心有不甘被朋友搶走了工作。unsplash圖片

有網民留言認為，「佢己經唔再係朋友！見工唔緊要，講返聲無問題！『工』啫！但玩到『出賣』就老X都接受唔到！今日為咗份工跣我，點知聽日為咗其他嘢會唔會再嚟多次！...如果有共同朋友就揚出去，等其他人有所防範！」

不過也有人覺得，「份工未係你嘅，又何來係搶咗『你嘅嘢』呢？除非你已經得到咗offer，臨埋門簽約俾人落咗閘，然後佢又得到咗份工咁有趣；或者你知佢有能力喺公司度中傷你，用過實際惡意方式令你落選，否則都講唔上係跣你，純粹係你技不如人（唔一定單指你朋友）而落選。你應該學識對所有人都唔好筲箕口，乜都講哂畀人知，就唔會再有俾人搶咗份工嘅錯覺出現。告發亦都不適用於呢種情況（除非你想告解自己當初XX）。如果你嘅告發係指同呢位朋友反面，講畀佢知你不滿，我會建議你唔出聲直接遠離佢就好，佢都好大機會明係發生乜事。如果你係想斷交得嚟起碼有得發洩下，咁你即管去馬啦。」

資料轉載自facebook專頁「奴工處」