網民不滿公司拒絕讓員工外出用膳,又不滿實際上只得半小時用膳。示意圖片
網民不滿公司拒絕讓員工外出用膳,又不滿實際上只得半小時用膳。示意圖片

網民在「香港討論區」發文抱怨,公司不批准員工外出用膳,只可在辦公室叫外賣,而且每日實際上只得約半小時午飯,直言「辭職就一定啦」。

網民指,現職的公司雖然其實無講明午飯時間有多長,「但我見個個員工每次食飯都好似搶食一樣,仲要係日日都係叫外賣,食咗半個鐘都唔知有無」。網民曾經詢問同事,對方告知公司不容許員工外出用膳,網民質疑「我聽到嘅時候都O咗,以前返工我都有1個半鐘時間食飯,宜家個個員工每次食咗半個鐘就即刻去做嘢...我每次覺得自己食慢啲就好似會比個上司望住咁」



網民形容,「我心入面其實都已經想講曬粗口,食飯時間其實都可以話係無」,於是問有沒有其他公司都是同一情況。

有網民留言說,「我公司都係無規定幾點鐘食,都係無人出去食飯架,又係一食完就做嘢。不過我返工第二日就好堅持自己要有1個鐘私人時間,你就算唔畀我準時食,OK我可以食晏啲,但我同你count返1個鐘出嚟。」有人感同身受,「以前,我間公司都係半小時,唔准著公司燈同冷氣」。

有人認為,「樓主個case似係,公司僱傭合約寫就係寫有一個鐘,但唔知個老細用咩方法搞到佢啲同事個個都唔敢食超過半個鐘就繼續做嘢。連食飯時間都暗地剝削,咁人工都唔慌高得去邊。佢哋咁都唔辭職轉工,即係佢哋喺個市場嘅競爭力真係好低。其實咁樣被剝削,不如返下麥當勞做下保安,仲好過返呢啲寫字樓工」。


帖文轉載自《公司唔比員工外出食飯永遠只可以叫外賣 食飯時間半個鐘都唔知有冇》

網民不滿公司拒絕讓員工外出用膳,又不滿實際上只得半小時用膳。示意圖片
網民不滿公司拒絕讓員工外出用膳,又不滿實際上只得半小時用膳。示意圖片