Juicy叮｜家中曱甴開Party網民求救母拒殺生籲念經趕走

更新時間：16:31 2021-08-11
發佈時間：15:42 2021-08-11

網民指現時曱甴在家「開哂Party」。「連登討論區」相片

家裡衛生尤其重要！若住處經常出現蛇蟲鼠蟻，只會讓人渾身不舒服。有網民分享，家裡近日頻頻出現曱甴，惟家母因宗教信仰拒絕殺生，要求事主僅念經讓曱甴自行離開。事主不滿與媽媽理論，惟媽媽建議了一個方法，令他十分無奈。

一名網民在「連登討論區」以「佛祖呀！屋企咁多曱甴點搞呀」為題發文，指前兩個月家裡開始出現曱甴，故此向父親求救。父親「隨手兩打」之後，就消滅了三隻曱甴，並將之「攞去餵魚」。然而，媽媽見狀隨即搬出所有佛經，告誡二人不要殺生，以及不要與曱甴「結惡」。

媽媽之後建議，購買「曱甴屋」放在家中，以處理家中曱甴。惟用完一次「曱甴屋」後，媽媽覺得太殘忍，拒絕再使用。即使事主答應使用完畢後自行「執屍」，媽媽依然不予理會。事主與媽媽理論：稱「依度我屋企黎架，衛生環境咁差點住呀。」怎料媽媽如此回覆：「你當係你屋企，佢都當係自己屋企架咋，聽我話啦，念多啲阿彌陀佛佢就會走㗎啦」，建議樓主念經趕走曱甴。

事主指，現時晚上的廚房變了曱甴「地頭」，向網民請救該如何是好：「淨係砧板都有三隻。全部開哂Party咁。有次仲要飛過我個頭環繞一圈，點搞呀」。
帖文引起網民熱議，有網民認為念經式趕曱甴不實際，「打死完佢哋幫佢哋普渡好過」。亦有人網民建議使用滅蟑凝膠餌劑，「靜雞雞點啲係屋企，跟住話佛祖接咗佢地走」；或使用火槍燒曱甴：「其實你拎支gas罐火槍，用火輕輕辣佢一至兩秒，已經即刻反肚。」

亦有網民詳細教事主可以如何勸服媽媽：「同佢講，曱甴是褔是禍我地凡人唔夠資格過問，如今你手執法器將曱甴既靈魂由肉身分離送去佛祖面前，一切都由佛祖定奪，如果修仙成果你就當送佢一把行個善，如果行了惡就當替天行動係世人積福。」

資料來源：「連登討論區」