街站扮獻花刀刺何君堯無業漢認傷人押下月杪判刑

港聞

更新時間：19:52 2021-08-18
發佈時間：12:36 2021-08-18

何君堯被襲時及時閃避僅受皮外傷。資料圖片

31歲大學畢業的無業漢前年11月假扮為立法會議員何君堯的支持者到何的街站獻花，訛稱正拿手機合照時突以33cm長利刀刺向何的左胸，他被制服時不斷大喊：「殺死何君堯！」、「小心何君堯！絕對唔可以俾佢當選議員㗎！你哋有無睇過白衣人同佢握手個條片呀！721係你做㗎！」。他今在高等法院承認一項有意圖傷人罪及一項傷人罪，原被控的一項企圖謀殺罪則存檔法庭。杜麗冰法官把案件押後至9月27日上午十時進行求情及判刑，以待索取受害人創傷報告。

根據控方案情及庭上播放片段所指，立法會議員何君堯於2019年11月6日在屯門湖翠路，擺街站為區議會選舉拉票，何君堯在早上8時15分到街站與義工團隊一同派發傳單，31歲無業被告董栢輝約於早上8時40分到街站向何君堯獻花，自稱自己是何君堯的支持者，董向何說：「呢個花係送俾你嘅，大家都見到你嘅努力架啦！」，「你介唔介意呢，我同你影張相⋯我攞個手機出嚟先好唔好呀？」，然後董便從其斜揹袋取出一把利刀刺向何的左胸。

何君堯被襲時及時閃避，但胸口亦有2cm皮外傷，何與其義工團隊一同制服董，按頭面貼地上，然後報警處理。董被制服期間不斷大喊指稱：「殺死何君堯！你個賊！何君堯！你個人渣！」、「大家會記得我！我今日嚟咗，我就無諗過有命走㗎啦！我係要死㗎！」、「一百年之後，大家會記得我」、「何君堯721襲擊係你做嘅！你哋有無睇過白衣人同佢握手個條片呀！721係你做㗎！」、「你依個咁嘅何君堯！佢應該死！佢要快啲死！何君堯你應該死！」

董雙手被綁在背後，仍繼續大喊：「我個名叫做董栢輝！我要殺咗何君堯！」、「（電話號碼），麻煩打俾我屋企人」、「唔可以放過何君堯！你個人渣！」、「唔該搵人繼承我嘅遺志！殺咗佢！保護香港全港市民！唔好俾佢傷害任何人呀！」、「700萬香港市民嘅生命呀！絕對唔可以俾佢當選議員㗎！呢啲咁嘅人佢唔配做議員！佢謀害香港市民呀！」、「何君堯死咗未呀？721元朗事件係你嘅所為，白衣人同你握手條片全世界都知！全球都睇到係你做㗎！你就係主謀！你快啲去死！」。

董在案發當日以「有意圖傷人罪」被捕，警方在董的斜揹袋中找出何君堯的選舉傳單、28cm長的刀，以及刀的包裝盒。何君堯被送到屯門醫院治療，其胸口位置有2cm皮外傷，留醫兩日後痊癒出院。而何君堯的男保安張瀛財（譯音）的左肋骨位置有1cm 皮外傷，左手臂有2cm擦傷，傷口縫合後即日出院。控方指被告父親稱被告有情緒障礙，但未經證實，辯方則指本案兩名受害人的傷勢並不嚴重，其父母、姐姐、朋友等人亦為他撰寫求情信，但大部分內容只是支持被告，對案件沒有太大幫助。

法庭記者：劉曉曦