Juicy叮|批男友無車出入「好廢」 港女呻雨天出街濕晒身勁狼狽

港聞
更新時間:10:04 2021-08-21
發佈時間:09:15 2021-08-21
夏天為大地帶來雨水。有港女表示,雨天時覺得「男友冇車真係好廢」,指每次雨天出街都要全身濕透地迫巴士及港鐵,形容好狼狽,羨慕其他女生的男友都有車出入,引來網民熱烈討論!

該名港女在「香港討論區」上,以「落雨天先覺得男友冇車真係好廢」,指近日經常下雨,每次跟男友出街,全身都會被雨水淋濕,「拎住把濕遮迫巴士地鐵,真係好鬼死狼狽」。她又指,男友從很久以前開始就已經說好要買車,不過至今仍未實行,每當看到其他女生的男友有車出入,「落雨冇帶遮都唔驚」,感到非常羨慕,炮轟男友「真係好廢」及「永遠得把口」。

網民看完帖文後,都紛紛批評樓主的想法,「樓主應該搵有車有樓嘅男人比較好,到你男友買到車又唔知買乜車同人比較好慘」、「咁點解你自己唔買車?買唔起? 咁一樣咁廢喎」、「自己買囉,再唔係換埋個男朋友」、「港女貪慕虛榮!買車唔係最難,最難唔係人人都可以養車㗎」。另外亦有網民認為坐的士或電召車更方便,「的士仲方便!唔使等」、「香港地有時揸車出街仲麻煩,咁驚落雨咪搭的士囉」、「點解你唔提議搭的士」。

資料來源:「香港討論區」