Juicy叮|檔主劏魚後改口加價30元 街坊回家磅重後質疑「呃秤」

港聞
更新時間:15:37 2021-08-21
發佈時間:15:15 2021-08-21
到街市買餸最怕被「呃秤」!有將軍澳街坊日前到街市某魚檔買魚,女檔主本來要價48元,劏魚後卻突然要求收取78元,回家秤重後質疑對方「呃秤」,怒批以後不會再幫襯。

有女網民在社交媒體Facebook群組「將軍澳主場」發文,指母親日前在將軍澳一個街市魚檔,以100元購買了兩條售價7元一両的魚,其後因覺得質素不錯,遂再次光顧。樓主母親這次詢問價錢後,同樣是7元一両,總數是48元;不過當樓主母親拿出一張50元紙幣付款時,女檔主突然表示應付78元,「咁大條魚點會$48呀!」

樓主指,母親為免在街市跟女檔主爭吵,最終仍付了78元買下該條魚,坦言若當時自己在現場,一定會替母親發聲,「媽媽一個女人仔,喺街市邊夠(嗰間)檔口講......人哋大聲就係道理」。

樓主母親回家後用電子磅秤重,認為魚的重量跟價錢不成正比,而且根據上次的購買經驗,覺得「真係唔係呢個價」,質疑該檔口「呃秤」,指不會再幫襯,「拎返屋企再磅都真係同$78呢個重量差好大距離,而上星期買嗰$100 2條同一品種嘅仲大條過呢條『大魚』好多 ......呢間嘢真係好唔老實,無啦啦呃人$30」,又提醒各位街坊小心。

有網民看完帖文後,都紛紛指涉事魚檔有不少「黑歷史」,「這檔好貴,寧願行去另一檔買一份份的魚,明碼實價,買得開心」、「呢檔嘢都唔係第一次㗎喇」。不過亦有網民認為可能只是一場誤會,「呢條係海魚,48蚊應該係買唔到,可能大家戴住個口罩,街市好嘈,溝通上問題」,建議樓主下次買餸時拿去公磅秤重。

資料來源:「將軍澳主場」FB