Juicy叮｜女求職者質疑店家要留全名網民不解：你畀個藝名佢嗎

港聞

更新時間：19:51 2021-08-26
發佈時間：18:12 2021-08-26

有網民求職但擔心要向公司留全名。《鬼同你OT》示意截圖

市民對個人資料私隱的保護意識提高，不過有網民在討論區「親子王國」發文，說去見一份普通店務員工作，並不是大集團、大公司，「傾到最後，店主要求我留全名畀佢，你哋會留嗎？」，引發網民議論。

不少人留言都覺得不解，「有咩問題，見工要畀名好正常」、「見工唔係有份FORM要填咩？依家只係留全名，無問題呀」、「人哋都要留記錄，唔通只Mark低咩小姐？」、「見工實要填form或已交resumes，唔係已經有晒你全名咩就算之前無，要求全名亦好正常喎……唔覺有問題。」

有網民更戲言，「正常。你畀個藝名佢嗎？」。有人笑指，「樓主你唔想填全名，你咪寫你姓：無叫：名氏。早啲俾間公司知道你的思維，咁樣思維請到你都喊三聲，第日都唔知點同你溝通同做嘢」

有網民求職但擔心要向公司留全名。《鬼同你OT》示意截圖

之後發文者就解釋，「我係淨係打電話去問個僱主係咪請人，其實仲未去舖頭見的，係傾到最後要我全名，因為之前我打去問其他公司，都只係留貴姓同電話」。

有網民就分享自身經歷，「果時我做一間公司，有個中年女人嚟見工（都算小小專業行業），叫佢填表唔肯填，佢話我已寫咗cv, 如請咗我我先會填畀你，跟住老細叫我哋同佢講，咁請佢走好了，唔見佢了，佢真係走咗。其實，畀我係老細都唔會見佢，未請你都咁難合作，請咗你咪蟲，真係咩騎呢人都有」

帖文轉載自討論區「親子王國」