Juicy叮｜港男Staycation遇火警鐘響斥酒店處理差反遭網友嘲「唔識執生」

港聞

更新時間：09:23 2021-08-31
發佈時間：16:04 2021-08-30

近年不少港人會選擇到酒店「Staycation」享受假期。一名網民於社交網發文分享，於酒店「Staycation」一次不愉快經歷，指入住當晚聽到火警鐘響起，又聞到有少許燶味，懷疑同層有房間發生事故。他曾致電到接待處查問究竟，惟該酒店的處理手法及態度，令他大感不滿，更發文訴說指，為「終極差、極度黑仔嘅一次體驗」，事件引起網民的熱論。

該名網民於Facebook群組「香港Staycation酒店交流谷」發文訴說指，近日與女友到酒店「Staycation」。當晚11時許，突然聽到火警鐘響起，之後更聞到有少許燶味，事主立即致電到接待處查問究竟，惟對方解釋指，「同層有人煮嘢食煮燶咗」，籲事主留待於房間中，工作人員正在處理。

未料收線後，事主發現有煙從門口漸滲入房間。當他一打開門時，發現「條走廊係極大煙」，隨即再次致電到接待處，「打咗2次先通咗有人聽」。當時接線生再次強調問題不大，籲事主繼續留在房間。事主坦承當時心感不滿，故語氣亦有少許「唔客氣」，「我同佢講我間房都好大煙啦喎」，惟對方僅表示，會安排工作人員帶事主換另一間房間。事主不滿指，「我嗰一吓直接講我只等5分鐘，要求5分鐘內要有安排」，隨即收線。事主續指，當時已聽到外面有使用滅火筒的聲音，故認為絕非「煮嘢食煮燶嘢咁小事」，其後亦聽到其他住客吵鬧的聲音，當中有3名住客已直接到大堂投訴，擾攘一輪最終才成功換房。

事主於文中投訴指，認為今次事件絕非小事，質疑職員為何沒有疏散同層住客，「我當reception 一開始唔知，但工作人員每一個都有對講機，知道有火之後，係咪應該疏散同層嘅住客？」此外，事主透露自己患有哮喘，「嗰一吓真係大煙，如果有乜事，邊一個負責？」。最後他又斥過程中沒有任何一名職員主動聯絡解釋事件，「每一個電話都係我主動打去」，更指房間滲入煙後，他與女友友各開了一個新口罩，惟未夠15分鐘口罩隨即變黑，坦言今次staycation的經歷，「終極差、極度黑仔嘅一次體驗」。

帖文引起網民的熱論，部分網民指樓主應自行判斷當下的危機，「其實你覺得有事點解唔用走火通道離開咗先，要等人哋比消息你有冇事？你自己冇判斷能力？」、「有煙梗係走咗先，落去問啦，仲打電話」、「建議下次遇到，第一時間逃生，仲問？你可以覺得酒店處理唔好，但reception的確幫唔到啲咩，第一時間先自救呀」。亦有網民認同該間酒店處理不妥當，「睇完都覺得酒店處理得唔好，不過下次再遇到呢啲有煙就自己好走了，真係再大火就走唔切」。

資料來源：香港 Staycation 酒店交流谷