Juicy叮｜父母願借出首期催「上車」與女友租樓住港男憂供樓無錢儲

港聞

更新時間：10:26 2021-09-02
發佈時間：17:00 2021-09-01

網民的父母願意借出首期催促他買樓，令他十分苦惱。資料圖片

正與女友租樓同居的網民在「香港討論區」發帖，指父母願意借出首期催促他買樓，但網民擔心每月供樓負擔大，而租樓則怕長遠下去被逼遷，不知如何是好。

發文者說，原本同女朋友一起租樓住，租金由男方負責，雖然租約還有一年但父母覺得與其每個月都交租「好似幫人地供樓咁倒不如我自己買樓自己供樓就算」，發文者每月租樓都要1.3萬至1.4萬元，計過供樓可能都足以應付，但現時每個月都有2000至3000元剩下來，如果供樓每個月就「唔使再諗儲錢」。他又擔心，「阿爸阿媽都話可以借錢比我地做首期，不過借完咪都係要還」。

發文者十分苦惱，「買樓就可以有個真係屬於自己既地方，但係買樓個負擔就會大啲。租樓每個月都係要比咁上下錢，但係每次都有啲驚業主唔同我地續約就要再搵地方搬」，不知如何抉擇好。

有網民就認為發文者應該把握機會置業，「這情況，我一定買。無錢儲不過是表面，實則供樓就是儲錢，尤其現息低。」、「『買』並唔係真正嘅買，你可以睇成畀一大舊錢(首期)出嚟，嚟換取一個可長期居住而又有穩定租金嘅單位，分別只係銀行做咗你包租公。到想同銀行退租囉，即係『賣』，到時你咪有返一舊錢囉。至於還款俾你屋企人仲易話為啦，免息貸款喎，幾多人想要都無，但你要有心理準備每月供樓加還俾屋企係幾重負擔，要還兩筆債。睇你肯唔肯捱，兩個人一齊捱會易啲嘅」、「供樓個數唔會點變，但你人工點都會加啲，供樓壓力會越來越細。租樓就唔同，租金要加可以加得好快，隨時快過你人工。」

也有人認為，要看發文者自身經濟條件供不供得起，「供樓第一樣嘢係問自己份工穩陣嗎？人工還有上升空間嗎？」、「每個月用1.4萬, 已經無錢儲, 你2個月入加埋夠唔夠3萬呀?分分鐘過唔到壓測....無咁大個頭, 就同屋企人住算啦」

有網民提醒就算是父母，借錢都要清楚，「和親人借錢最好均均真真。寫埋借據和還款方案。最好合理計返利息。就算照現時銀行拆息計都要俾返啲。除非父母話明畀唔使還。否則親人錢銀絕對要交代清楚。」

亦有人擔心發文者與女友萬一分手如何處理物業，「係你同女朋友一齊供？未結婚一齊供，分手個陣就好煩」、「若供樓要兩個人，萬一分手，你一個人可撐幾耐？」。

帖文轉載自香港討論區