Juicy叮|遭mean精男改花名兼取笑身材 女同事絕地反擊獲讚

港聞
更新時間:11:46 2021-09-10
發佈時間:10:30 2021-09-10
人身攻擊當搞笑,實在令人非常反感!有打工仔表示,公司有同事講嘢尖酸刻薄,經常以女同事的身材開玩笑,自以為幽默,最終該名女同事來個絕地大反擊,令其他曾受人身攻擊的同事讚好。

該名打工仔在「香港討論區」發文,指其公司有一名同事說話「好mean」同事,說話非常惡毒,經常拿別人的身材及痛處開玩笑,惹人討厭而不自知。樓主舉例,一名「有啲肉地」的女同事被亂改花名為「肥妹」,對方更會說很多不堪入耳的話,包括「係咪成世都未做過靚女」、「有咩事嗰陣可以擔個女同事上山,可以食三日」等。

樓主表示,該名女同事雖然曾表達「唔鍾意人哋拎身材嚟講笑」,但對方每次都會指「你咁唔玩得㗎?」直至某次,女同事購買了一份三文治到公司當早餐食,該名同事竟走過來說:「喂肥妹分一半畀我啦,你唔好食咁多嘢喇,我幫輕下你順便幫你減肥呀!」女同事聞言立即「火山爆發」,怒斥「我肥唔肥到底關你咩事啫?餓你就去摷垃圾食啦,成日以為自己好風趣幽默拎人哋唔鍾意嘅嘢嚟講同笑,到底知唔知自己都好乞人憎?」

樓主表示,整個部門的同事亦是頭一次見該名女同事如此火滾,不過曾被嘲笑的同事見狀都感到身心舒暢。樓主又坦言,很多同事的心態都是「多一事不如少一事」,指「估唔到個mean精同事俾人鬧嘅原因竟然會係因為佢去搶人哋嘢食」。

帖文引起網民討論,不少人都批評該名「mean精同事」,又認為女同事的做法正確,對不懂尊重別人的人都應主動反擊,「其實佢把口賤成咁,會影響公司嘅士氣,老細就要處理喇」、「呢啲人冇口德,自己得罪人又唔知」、「有的人懶係風趣幽默其實係賤mean,認同反擊」、「應該鬧啦。人身攻擊喎。無尊重人」。

資料來源:「香港討論區」