Kelly Online|滴惜仔FB籲沖涼慳水咪亂諗嘢 帖文圖片「天堂論」惹熱議

港聞
更新時間:21:01 2021-09-12
發佈時間:16:10 2021-09-12
滴惜仔呼籲市民沖涼應快快手,不要胡思亂想滴惜仔FB
滴惜仔呼籲市民沖涼應快快手,不要胡思亂想滴惜仔FB
水務署吉祥物「滴惜仔」經常在社交網站分享慳水心得,呼籲市民節約用水。日前,滴惜仔就在FB專頁發文,呼籲市民沖涼期間不應該胡思亂想,要「快快手」以免長開花灑導致浪費食水。然而,網民焦點卻紛紛放在其中一幅有關天堂論的帖文上,惹起熱議。

帖文指:「阿媽平時成日話我唔諗嘢,梗係啦,沖涼嗰陣先靈感男神上身,一邊捽胳肋底,一邊思考人生㗎……你哋又會諗啲乜呢?不過諗還諗,長開花灑諗嘢好嘥水㗎,快快手沖完好出返嚟喇!」

滴惜仔又在帖文圖片中,舉出數個胡思亂想的例子,例如是「我右手寫字,左手拎叉,咁到底我係左囿定右囿呢」、「蕃茄同雞蛋同一時間炒,會變成蕃茄炒蛋定蛋炒蕃茄」、「人死咗會去天堂,咁龜死咗係咪會去海天堂呢」。
帖文上載後引起熱議,就連Ben Sir都讚好。滴惜仔FB
帖文上載後引起熱議,就連Ben Sir都讚好。滴惜仔FB
其中最後一個例子「人死咗會去天堂,咁龜死咗係咪會去海天堂呢」,在帖文上載後旋即引起熱議,就連「Ben Sir」歐陽偉豪都留言表示「呢個掂」,不少網民都紛紛笑指「好地獄,但忍唔住笑咗」、「陸龜去咗海天堂會唔會遇溺死多次」。

另外,不少網民都發表自己的奇思妙想,例如「如果柯栢文買保險,要買車保定人壽」、「做任務嗰陣死咗係咪去任天堂」等等,就連食安中心的吉祥物「食安仔」都特意留言,表示:「我成日諗,檸檬最驚咩水果?冬甩個爸爸又係邊個?」