Juicy叮｜旗下燒肉店被指劣質牛扮日本A5和牛 黃傑龍：食近百碟後要求退款
更新時間：13:17 2021-09-20
發佈時間：12:07 2021-09-20
發佈時間：12:07 2021-09-20
字體大小
事主於Facebook群組「香港自助餐及放題集中討論區」控訴指，日前到旺角「牛角buffet」用餐，惟「俾900元食LV5，卻換來300元LV2嘅質素」，懷疑該店疑違反商品說明條例。事主指首輪點選的牛肉已非A5和牛的質素，「食落好韌，質地似澳洲牛而唔係日本牛」，當時心有存疑，故再次點選牛肉以驗真偽。
事主其後又到雪糕機「唧雪糕」，沒料該碗雪糕僅數分鐘已溶化，「過程係我唧完再去加朱古力豆，然後翻到去就溶成咁」。當時店內職員表示，看到另一位女客人唧雪糕後，沒有出現溶化情況，故着事主可再試一次。正當事主欲再試時，其丈夫立即喝止，指「我地食緊放題，計時架喎，點解要浪費時間去試部機？」。及後著另一名職員代為跟進情況，「點知睇完返嚟同我講，『雪糕機個製冷熄咗』」，事主聞言忍不住批評，「雪糕溶到咁食落肚真係可大可小！」
事主坦言當時已失去用餐的興致，強調該店的牛肉質素太差，又指在結帳後，有朋友發信息質疑事主受騙，並附上一張照片，指「佢又係有同樣遭遇，食完第一轉之後啲牛唔同晒，不過今次我連第一轉都無就已經畀劣質牛我」。事主得悉後立即找食肆的經理說明情況，「一講完就即刻拎兩碟靚牛出嚟」，事主即時怒不可遏，「好似我哋呢啲第一次嚟食嘅客，唔知頭唔知路咪畀你哋公司撈好多水？」，「況且我又埋咗單，你畀兩碟牛叫我燒過再食？」
有關帖文隨即引起網民熱論，不少人認為照片中的牛肉絕非日本和牛級別，認為事件離譜。而黃傑龍隨後亦於社交網上發千字文，親自回應事件。
黃傑龍指，事主亦有直接向他投訴，甚至要求他親自回應。惟經調查後，發現結果有重大蹺蹊，故特意發文解釋。黃傑龍指，收到有關投訴後，眾多的管理層已立即作出跟進，包括調查電腦記錄同埋閉路電視及相關員工的口供，回應客人有關「和牛、雪糕、埋單」三個質疑。
黃傑龍解釋，牛肉不可能每一碟都一模一樣，惟該名事主於網上分享一碟牛肉，從外表觀看已「好肉酸好恐怖，出晒血水」。惟及後在電腦記錄及閉路電視分析後，發現紙牌疑被「移花接木」，「在這些比較的相片中白色碟上邊出現了一張本來不應該在哪裏出現的「A5和牛」紙牌」，質疑「點解一碟頭盤會放喺枱面超過2個小時完全唔食等佢出晒血水」、「然後嗰張唔應該出現嘅和牛小卡放咗上去，然後同一碟新鮮拎出嚟嘅和牛擺在旁邊拍照」。
黃傑龍指，事主投訴軟雪糕很快溶解，根據閉路電視，事主入座後約半小時拿取雪糕後到回到座位，「同時間個火爐開到好猛燒緊肉」，惟當時事主沒有立即吃雪糕，「擺喺個火爐邊幾分鐘熔晒變到好核突，然後搵我啲同事投訴」。黃傑龍又指，當有已有職員立即重新拿了兩杯雪糕給事主，「後來客人仲食咗兩杯」，質疑事主將已溶解的雪糕照片放到網上的用意。
黃傑龍續指，事主於130分鐘內享用了近百碟的食物後，於結帳時特意保留擺放了逾2小時的牛肉，並投訴牛肉的質素差，「仲要話我哋呃人，要求唔俾錢」，並指該名前線的同事於壓力之下退回878元現金予事主，「慌忙之間如果真係有同你講，『呢啲錢係要我自己出，公司未必俾返我』，之類可能只係期望你同情佢，當然你不單止無同情佢，攞完錢仲要上網寫」。
另外，對於事主在帖文中指自己借用朋友會員卡，黃傑龍隨後又發文回應指，雖然根據會員使用條例列明禁止租借或者轉讓會員卡，但認為若只是朋友借用，並不打算追究。不過有精明的網民居然發現事主是透過網上租用會員卡，決定將該卡取消或凍結。
黃傑龍又重申如果客人覺得被騙，採取法律行動報海關或者去消費者委員會，屬客人的權利，公司完全尊重，並強調會更加打醒十二分精神，「做到比好更好」。
資料來源：香港自助餐及放題集中討論區 、黃傑龍 Simon - 窮富翁 好人好事
