【四級火死因研訊】消防隊目：兩拉張耀升圖離開火場

港聞

更新時間：05:30 2021-09-29
發佈時間：05:30 2021-09-29

　　(星島日報報道)九龍灣淘大工業村時昌迷你倉五年前發生四級大火，導致兩名消防員殉職，死因研訊昨續。偕死者張耀升進入火場的拍檔尹建偉供稱，當時張轉入橫巷「好似搵緊嘢」，尹先後兩次將他拉回身邊，並試圖帶他撤出，但張未有跟上。尹終因體力不支撤出，尹哽咽指「嗰一刻我有諗過再返入去搵佢，但我自己考慮過我未必做得到，當時我好驚喇。」他獨自撤出火場後不斷着同僚「唔該你幫我搵翻阿Sir出嚟。」尹作供時情緒激動，休庭期間掩面痛哭。

　　消防隊目尹建偉指，張當時「好似比啲火包圍住」，尤其天花位置有「好大嘅火燄」與其頭頂僅距離一米多。此時，二人已相隔數米，但該處煙霧不大，尹能夠清楚看到張。他覺得危險，遂沿着左手拿起的滅火喉步近張，再用右手將他拉至主走廊，並說「阿Sir，條喉喺度，定啲嚟，我哋出翻去先。」他形容自己沒有用力拉張，而張當時有意識且清晰回應「OKOK」，尹轉身走向火場出口，右手扶喉，試圖帶著張離開，但走了兩、三步便感覺身後的張並無跟隨，回頭發現張返回轉角位，再次兩邊張望及大叫。

　　於是尹用左腳卡住滅火喉，右手再次將張拉回主走廊，同樣不必花費力氣，並說「阿Sir，唔好再玩喇，我哋一定要走，出返去啦。」張又表示「OKOK」，尹形容當刻感覺「好熱好辛苦」，「開始有啲慌亂」，說話語氣較重，撤出步伐亦變快。直到步至主走廊及第一條橫巷的交界，他停下來回頭望，才發現張無跟上。尹哽咽謂「撤離嘅速度快咗，我無為意呢樣嘢」，「嗰一刻我有諗過再返入去搵佢，但我自己都考慮過我未必做得到，當時我好驚喇，我開始迷失方向。」

　　幸好該處有煙火特遣隊的同事在工作，尹上前詢問出口位置。同袍指示尹沿着鼓風機聲音就可找到出口，他跟著聲音衝出去。一踏出火場，尹便向面前的高級消防區長翁錦雄高呼「張Sir喺裏面未出嚟，快啲搵人入去幫佢」，但同時因體力幾乎耗盡，需要人幫忙卸除裝備及攙扶，其間他不斷哀求同袍「唔該你，幫我搵返阿Sir出嚟。」

　　隨後長官將尹帶至二樓休息，但尹感到「好熱、心跳好快、右手有啲痛」，他最後在救護車上得知張離世。尹深夜到醫院求醫，初時證實他右手五個指頭一級燒傷。三天後轉介至專科時，獲診斷為三級燒傷，需切除部分壞死組織，故尹現時指頭無甚指紋，尤其食指形狀比較尖。在裁判官黃偉權詢問下，尹形容張徘徊的轉角位非常高溫，熱力「真係未遇過。」

　　案件編號：死因研訊三三三、三三四——二〇一六。

　　