Juicy叮|中年漢超市偷食盒裝提子唔買 網民批欠缺衛生意識

港聞
更新時間:10:29 2021-10-16
發佈時間:09:58 2021-10-16
本港新冠肺炎疫情稍有緩和,但大家都不應降低衛生意識!有網民指,早前在將軍澳一間超級市場購物時,目睹一名中年漢擅自打開盒裝提子,偷吃一粒後便放下未有買走,批評對方既不誠實又不衛生!

該名網民在社交媒體Facebook群組「香港突發事故報料區」發文,指周二(12日)晚上近8時到將軍澳廣場一間超市購物,期間目睹一名中年男子擅自打開盒裝西班牙無核青提子,隨手拔下一粒提子,用兩隻手指擦乾淨後,便除下口罩進食。

樓主續指,該名男子與兩名同行女子事後到收銀處付款,但購物車中只有壽司,「食過嗰盒可憐的提子」則仍在貨架上,3人亦曾稱「提子太黃」而無意欲購買。樓主對此深感不滿,隨即通知在旁邊整理蘋果的女職員,然而對方僅重複一句「有人食咗提子?」,並未有作出任何跟進行動,遂慨嘆:「明知旁邊已經幾個人見到,你也沒悔意、把提子買下。阿叔,做個誠實衛生的人好嗎?」

帖文引起網民熱議,不少人都批評涉事中年漢的行為缺德,「污糟邋遢」、「咁無公德心㗎」、「不知所謂,大教壞細」,有人更揶揄「識食梗係食晴王啦橫掂都係就」、「吓$25一盒,我仲以為食香印嗰啲級數」。不過有人就認為,即使向職員反映亦難做,「呢啲真係難搞,叫職員捉住佢睇閉路電視,一覺唔覺意閉路電視影唔到個職員就大X鑊,因為分分鐘hold咗個X客成個鐘,你又捉佢唔X到,又俾佢咬返轉頭」。

另外有人就分享曾自己目睹過的「偷食」經過,「我都曾經有一次喺超市見到有人偷午餐肉,偷完一罐又一罐,當我肯定某男子,見住佢放入自己背囊,我即刻同職員講,但係佢行行企企想搵經理咁,搵得嚟個賊都走咗啦~無奈!!」、「便利店都見過有包蛋糕比人撕開咗包裝袋,再食咗一忽,然後放返原位+可樂飲咗幾啖,再放返原位啦⋯唔講真係以為開試食大會」。

資料來源:「香港突發事故報料區」FB